Author: संपादक कुणाल मनोज घोसाळकर

जागतिक पर्यावरण दिनानिमित्त धाकटा खांदा येथे वृक्षारोपण व मोफत रोपवाटप कार्यक्रम उत्साहात संपन्न जिल्हाध्यक्ष अविनाश कोळी यांची प्रमुख उपस्थिती  पनवेल(प्रतिनिधी) जागतिक पर्यावरण दिनानिमित्त भारतीय जनता पार्टी प्रभाग क्रमांक १४ च्या वतीने धाकटा खांदा येथे वृक्षारोपण व मोफत रोपवाटप कार्यक्रम मोठ्या उत्साहात आणि जनसहभागातून संपन्न झाला. पर्यावरण संरक्षण व संवर्धनाचा संदेश समाजापर्यंत पोहोचविण्याच्या उद्देशाने आयोजित करण्यात आलेल्या या उपक्रमाचे उद्घाटन भाजप उत्तर रायगड जिल्हाध्यक्ष अविनाश कोळी यांच्या हस्ते वृक्षारोपण करून करण्यात आले. केंद्र सरकारच्या “एक झाड आईच्या नावाने” या संकल्पनेला अनुसरून आयोजित करण्यात आलेल्या या कार्यक्रमात विविध प्रकारच्या वृक्षांची रोपे नागरिकांना मोफत वितरित करण्यात आली. तसेच परिसरात वृक्षारोपण करून पर्यावरण संवर्धनाचा संदेश…

रामशेठ ठाकूर यांच्या अमृत महोत्सवानिमित्त रोहेकरांना अनमोल भेट; राजमुद्रा फाउंडेशनची रुग्णवाहिका जनसेवेत दाखल रोहा प्रतिनिधी : संतोष सातपुते लोकनेते तथा माजी खासदार रामशेठ ठाकूर यांच्या ७५ व्या अमृत महोत्सवी वाढदिवसानिमित्त रोहा तालुक्यातील नागरिकांना राजमुद्रा फाउंडेशनच्या माध्यमातून अत्याधुनिक रुग्णवाहिकेची भेट देण्यात आली. मा. आमदार प्रशांत ठाकूर यांच्या विशेष सहकार्यातून ही रुग्णवाहिका जनसेवेसाठी समर्पित करण्यात आली. पनवेल येथे मंगळवार (दि. २) रोजी झालेल्या लोकार्पण सोहळ्यात रामशेठ ठाकूर यांच्या हस्ते रुग्णवाहिकेचे उद्घाटन करण्यात आले. या उपक्रमामुळे धाटाव विभाग, धाटाव एमआयडीसी परिसर तसेच संपूर्ण रोहा तालुक्यातील नागरिकांना तातडीच्या वैद्यकीय सेवांचा मोठा आधार मिळणार आहे. ग्रामीण भागात अनेकदा वेळेवर रुग्णवाहिका उपलब्ध न झाल्याने रुग्णांना अडचणींना…

लोकनेते रामशेठ ठाकूर यांच्या अमृत महोत्सव वर्षातील ‘स्वर संध्या’ सांगीतिक कार्यक्रमाने रसिकांना केले मंत्रमुग्ध पनवेल (हरेश साठे)  माजी खासदार लोकनेते रामशेठ ठाकूर यांच्या अमृत महोत्सव वर्षानिमित्त आयोजित करण्यात आलेल्या भव्य ‘स्वर संध्या’ या सांगीतिक कार्यक्रमाने पनवेल परिसरातील संगीतप्रेमी रसिकांना अक्षरशः मंत्रमुग्ध केले. “लोकनेते रामशेठ ठाकूर अमृत महोत्सव वर्ष नियोजन समिती”, “श्री रामशेठ ठाकूर सामाजिक विकास मंडळ” आणि नादब्रह्म साधना मंडळ खारघर यांच्या संयुक्त विद्यमाने आयोजित हा कार्यक्रम उत्साहपूर्ण आणि भारावलेल्या वातावरणात संपन्न झाला. संगीत, भक्ती आणि सांस्कृतिक परंपरेचा सुरेल संगम घडवून आणणाऱ्या या कार्यक्रमाला रसिकांची उत्स्फूर्त उपस्थिती लाभली. श्री रामशेठ ठाकूर सामाजिक विकास मंडळाच्या मैदानावर आयोजित करण्यात आलेल्या या कार्यक्रमाच्या…

डीएमसीसीमध्ये श्री. दत्तात्रय गोरले यांचा सेवानिवृत्ती सत्कार उत्साहात संपन्न रोहा प्रतिनिधी (संतोष सातपुते) डीएमसीसीमध्ये तब्बल ३५ वर्षे ७ महिने प्रामाणिकपणे व कर्तव्यनिष्ठेने सेवा बजावणारे श्री. दत्तात्रय गोरले हे दिनांक ३१ मे २०२६ रोजी सेवानिवृत्त झाले. त्यांच्या दीर्घ व उल्लेखनीय सेवेला गौरविण्यासाठी १ जून रोजी डीएमसीसीच्या कॅन्टीन हॉलमध्ये सेवानिवृत्ती सत्कार समारंभाचे आयोजन करण्यात आले होते. श्री. गोरले यांनी ८ ऑक्टोबर १९९० रोजी सेवेत प्रवेश केला होता. आपल्या सेवाकाळात त्यांनी निष्ठा, प्रामाणिकपणा, समर्पण आणि व्यावसायिकता यांचे उत्कृष्ट उदाहरण घालून दिले. संस्थेच्या प्रगतीसाठी त्यांनी दिलेले योगदान मोलाचे असून त्यांच्या कार्याचा सहकारी व अधिकारी वर्गावर सकारात्मक प्रभाव पडला आहे. सदर निरोप समारंभासाठी एचआर हेड…

पनवेलच्या कल्पतरू रिव्हरसाईडची हरित ऊर्जा क्रांती ; ४०० किलोवॅट सौरऊर्जा प्रकल्प कार्यान्वित; दरवर्षी ८० लाख ते १ कोटी रुपयांची बचत; महाराष्ट्रातील गृहनिर्माण क्षेत्रासाठी आदर्श प्रकल्प पनवेल(प्रतिनिधी) नवी मुंबई व पनवेल परिसरातील पर्यावरणपूरक उपक्रमांसाठी ओळखल्या जाणाऱ्या पनवेलमधील कल्पतरू रिव्हरसाईड या भव्य निवासी संकुलाने शाश्वत विकासाच्या दिशेने एक महत्त्वपूर्ण पाऊल टाकत आणखी १०० किलोवॅट क्षमतेच्या नव्या सौरऊर्जा प्रकल्पाचे उद्घाटन यशस्वीरीत्या केले. पनवेल महापालिकेचे माजी सभागृह नेते तथा विद्यमान नगरसेवक परेश ठाकूर यांच्या हस्ते या प्रकल्पाचे उद्घाटन करण्यात आले. यापूर्वी या संकुलात ३०० किलोवॅट क्षमतेची सौरऊर्जा प्रणाली कार्यान्वित करण्यात आली होती. त्या प्रकल्पाचे उद्घाटन आमदार प्रशांत रामशेठ ठाकूर यांच्या हस्ते झाले होते. नव्या १०० किलोवॅट…

नवीन पनवेलमध्ये महिलांसाठी मोफत कॅन्सर तपासणी व आरोग्य शिबिराचे आयोजन पनवेल(प्रतिनिधी) माजी खासदार लोकनेते रामशेठ ठाकूर यांच्या अमृत महोत्सवी वाढदिवस वर्षानिमित्त सेवाभावी संस्था श्री. रामशेठ ठाकूर सामाजिक विकास मंडळाच्या विद्यमाने ३० वर्षावरील महिलांसाठी कॅन्सर जनजागृती व मोफत कॅन्सर तपासणी शिबिर तसेच सर्वांसाठी मोफत आरोग्य तपासणी शिबिराचे आयोजन करण्यात आले आहे. हे शिबिर मंगळवार दिनांक २ जून रोजी सकाळी १० ते सायंकाळी ५ वाजेपर्यंत नवीन पनवेल येथील चांगु काना ठाकूर विद्यालयात होणार आहे.        शिबिरामध्ये विशेषतः गर्भाशय मुखाचा कर्करोग, स्तनाचा कर्करोग आणि मुखाचा कर्करोग याबाबत जनजागृती व मोफत तपासणी केली जाणार आहे. याशिवाय बीएमआय, रक्तदाब, रक्तातील साखर, डोळ्यांची तपासणी, ईसीजी, रक्त तपासणी,…

अधिक मासानिमित्त रोहा येथे सुरू असलेल्या कीर्तन-प्रवचन मालिकेला उत्स्फूर्त प्रतिसाद रोहा प्रतिनिधी (संतोष सातपुते) अधिक मासाचे औचित्य साधून रोहा येथील श्री दुर्गादेवी मंदिरात भजनी मंडळ, अभंग सेवा भजनी मंडळ आणि संस्कार भारती रोहा मंच यांच्या संयुक्त विद्यमाने आयोजित करण्यात आलेल्या ३० दिवसीय कीर्तन-प्रवचन मालिकेला भाविकांचा उत्स्फूर्त प्रतिसाद लाभत आहे. दररोज सायंकाळी आयोजित करण्यात येणाऱ्या या धार्मिक व आध्यात्मिक कार्यक्रमातून समाजप्रबोधन, अध्यात्म आणि संस्कारांचे महत्त्व प्रभावीपणे मांडले जात आहे. दि. २५ मे २०२६ रोजी नितीन प्रधान यांनी ५१ शक्तीपीठ, दुर्गा सप्तशती, सिंधू मानकर अनुभव, देव्या कवच पाठ १००, देवी सूक्त, गुरुचरित्र आणि श्रीसूक्त यांसारख्या विषयांवर सखोल विवेचन केले. मध्यंतरात श्रीराम जप,…

लोकनेते रामशेठ ठाकूर यांच्या अमृत महोत्सव वर्षानिमित्त १ जूनला पनवेलमध्ये भव्य सांगीतिक कार्यक्रम पनवेल (प्रतिनिधी) माजी खासदार लोकनेते रामशेठ ठाकूरयांच्या अमृत महोत्सवी वर्षानिमित्त “लोकनेते रामशेठ ठाकूर अमृत महोत्सव वर्ष नियोजन समिती”, “श्री रामशेठ ठाकूर सामाजिक विकास मंडळ” तसेच नादब्रह्म साधना मंडळ खारघर यांच्या संयुक्त विद्यमाने सोमवार दिनांक १ जून रोजी सायंकाळी ५ वाजता पनवेल येथे “स्वर संध्या” या भव्य सांगीतिक कार्यक्रमाचे आयोजन करण्यात आले आहे. हा कार्यक्रम श्री रामशेठ ठाकूर सामाजिक विकास मंडळाच्या सभागृहात आयोजित करण्यात आला असून रसिकांसाठी प्रवेश विनामूल्य ठेवण्यात आला आहे.          लोकनेते रामशेठ ठाकूर यांच्या सामाजिक, शैक्षणिक आणि सांस्कृतिक कार्याचा गौरव करण्यासाठी अमृत महोत्सव वर्ष…

युवा नेते आकाश धोत्रे यांच्या वाढदिवसानिमित्त विविध सामाजिक उपक्रमांचे आयोजन रोहा प्रतिनिधी (संतोष सातपुते) रोहा शहरातील उभरते सामाजिक नेतृत्व आणि शिवसेनेचे युवा नेते आकाश धोत्रे यांच्या वाढदिवसानिमित्त गुरुवारी विविध सामाजिक उपक्रमांचे आयोजन करण्यात आले. रोहा शिवसेनेच्या वतीने आयोजित करण्यात आलेल्या या उपक्रमांमध्ये रक्तदान शिबिर, वृक्षारोपण तसेच अन्नदान कार्यक्रमाचा समावेश होता. ज्येष्ठ नागरिक सभागृह येथे आयोजित करण्यात आलेल्या रक्तदान शिबिराला नागरिकांचा उत्स्फूर्त प्रतिसाद लाभला. अनेक युवकांनी स्वयंस्फूर्तीने रक्तदान करत सामाजिक बांधिलकीचा आदर्श समाजासमोर ठेवला. यासोबतच पर्यावरण संवर्धनाचा संदेश देण्यासाठी वृक्षारोपण उपक्रम राबविण्यात आला, तर गरजूंसाठी अन्नदान कार्यक्रमही आयोजित करण्यात आला. यावेळी उपस्थित मान्यवरांनी युवकांनी सामाजिक कार्यात सक्रिय सहभाग घेत समाजासाठी योगदान…

रोहा शहरातील विविध प्रभागांतील रस्ता डांबरीकरण कामांचा शुभारंभ उत्साहात संपन्न रोहा प्रतिनिधी नंदकुमार बामुगडे रोहा शहरातील नागरिकांच्या दैनंदिन वाहतुकीस अधिक सुलभता मिळावी तसेच शहराच्या विकासकामांना अधिक गती मिळावी या उद्देशाने प्रभाग क्रमांक १० मोरे आळी चौक, प्रभाग क्रमांक ४ सेवादल आळी आणि प्रभाग क्रमांक ५ सोनार आळी चौक येथील रस्ता डांबरीकरण कामांचा शुभारंभ आज मोठ्या उत्साहात पार पडला. या विकासकामांचा शुभारंभ मा. नगराध्यक्ष कुमारी वनश्रीताई समीर शेडगे यांच्या शुभहस्ते करण्यात आला. रोहा शहराच्या सर्वांगीण विकासासाठी सातत्याने सकारात्मक भूमिका घेत नागरिकांच्या मूलभूत सुविधांना प्राधान्य देत राबविण्यात येत असलेल्या या विकासकामांमुळे स्थानिक नागरिकांमध्ये समाधानाचे वातावरण निर्माण झाले आहे. यावेळी उपनगराध्यक्ष मा. अहमद…