रोहा रेल्वे स्थानकाची मध्य रेल्वे महाव्यवस्थापकांकडून पाहणी; प्रवाशांसाठी ‘मोठी आनंदाची बातमी’ लवकरच रोहा प्रतिनिधी (संतोष सातपुते) रोहा रेल्वे स्थानकाची आज, दि. २५ मार्च रोजी मध्य रेल्वेचे महाव्यवस्थापक प्रतीक गोस्वामी यांनी भेट देऊन सर्वंकष पाहणी केली. या दौऱ्यादरम्यान रोहा रेल्वे प्रवासी समितीचे अध्यक्ष फैसल अधिकारी व गणेश मासक यांनी महाव्यवस्थापकांची भेट घेऊन प्रवाशांच्या विविध प्रलंबित मागण्यांचे निवेदन सादर केले. पाहणीवेळी महाव्यवस्थापकांनी स्थानकावरील प्रवासी सुविधांबाबत माहिती देताना सांगितले की, सध्या कोच इंडिकेटर (Coach Indicators), ‘ट्रेन ऑन डिस्प्ले’ (Train on Display) तसेच नवीन पादचारी पूल (FOB) यांसारख्या अत्यावश्यक कामांना गती देण्यात आली असून ती प्रगतीपथावर आहेत. यावेळी सर्वात महत्त्वाची बाब म्हणजे, मध्य रेल्वे…
Author: संपादक कुणाल मनोज घोसाळकर
🚨 युद्धाचा परिणाम थेट रोह्यावर; पेट्रोल-डिझेल टंचाईचा गंभीर इशारा, नागरिकांत भीतीचे वातावरण रोहा जागतिक स्तरावर सुरू असलेल्या युद्धस्थितीचे परिणाम आता थेट रायगड जिल्ह्यातील रोहा तालुक्यावर दिसू लागले आहेत. कच्च्या तेलाच्या पुरवठ्यात अडथळे निर्माण झाल्याने पेट्रोल आणि डिझेलच्या उपलब्धतेवर मोठा परिणाम झाला असून, येत्या काही दिवसांत गंभीर टंचाई निर्माण होण्याची शक्यता व्यक्त केली जात आहे. गेल्या काही दिवसांपासून रोहा शहर व परिसरातील अनेक पेट्रोल पंपांवर इंधनाचा पुरवठा अनियमित झाला आहे. काही पंपांवर “No Stock” चे फलक लावण्याची वेळ आली असून, नागरिकांना इंधनासाठी लांबच लांब रांगा लावाव्या लागत आहेत. अचानक वाढलेल्या मागणीमुळे उपलब्ध साठा काही तासांतच संपत असल्याची माहिती पंप चालकांनी दिली.…
१० वर्षांची गुलामगिरी अन् दोन मुलींची तीन वर्षांची ताटातूट संपली.सर्वहारा जन आंदोलनाच्या रेट्यामुळे दोन मुलींची सुटका आई वडिलांशी भेट. कोलाड (श्याम लोखंडे) गेल्या दहा वर्षांपासून कोळसा भट्टीवर विटबिगारी करणाऱ्या वाघमारे कुटुंबाची अखेर छळातून सर्वहारा जनआंदोलनाच्या अथक पाठपुराव्यामुळे मुक्तता झाली असून, मालकाच्या ताब्यात असलेल्या मजुरांच्या दोन मुलींची तब्बल तीन वर्षांनंतर आई-वडिलांशी गळाभेट झाल्याचे समोर आले आहे. ‘सर्वहारा जन आंदोलन’ संघटनेने केलेल्या कायदेशीर पाठपुराव्यामुळे हे यश आले असल्याची माहिती संघटनेच्या प्रमुख व जेष्ठ सामाजिक कार्यकर्त्या उल्का महाजन यांच्या मार्गदर्शाखाली संघटनेचे मुख्य पदाधिकारी सोपान सुतार यांनी दिली. याबाबत सविस्तर माहिती मूळचे वरवटणे (ता. रोहा, जि. रायगड) येथील रहिवासी असलेले संतोष जानू वाघमारे आणि…
रायगड जिल्ह्यात आक्रोश मोर्चासाठी जोरदार तयारी; कार्यकर्ता बैठकीत महत्त्वाचे निर्णय रोहा प्रतिनिधी (संतोष सातपुते) रायगड जिल्हा व्यापक कार्यकर्ता बैठक सोमवार, 23 मार्च रोजी तळवली (कोलाड) येथील श्री ज्ञानेश्वर मंदिरात उत्साहात पार पडली. आगामी 16 एप्रिल रोजी मुंबईतील कामगार आयुक्त कार्यालय, बांद्रा येथे होणाऱ्या आक्रोश मोर्चाच्या पार्श्वभूमीवर या बैठकीत सविस्तर चर्चा करण्यात आली. या बैठकीत मोर्चात मोठ्या संख्येने कामगार सहभागी व्हावेत यासाठी गावस्तरावर तसेच औद्योगिक क्षेत्रात स्वतंत्र बैठका घेऊन सहभागी कामगारांची संख्या निश्चित करण्याचा महत्त्वपूर्ण निर्णय घेण्यात आला. असंघटित व संघटित क्षेत्रातील कामगारांच्या प्रलंबित प्रश्नांबाबत शासनाच्या कामगारविरोधी धोरणांविरुद्ध जनजागृती करण्यावरही भर देण्यात आला. बैठकीस भारतीय मजदूर संघाचे प्रदेश सचिव हरी चव्हाण,…
आई एकविरा देवीच्या दरबारी रोहयातुन पाच पदयात्रा रवाना शेकडो भक्तगणांनी केली कार्ला डोंगराकडे कुच ; बुधवारी आईचा पालखी सोहळा रोहा प्रतिनिधी (संतोष सातपुते) लोणावळा नजिक कार्ला येथे चैत्र महीन्यात साजरा होणाऱ्या आई एकविरा देवीच्या पालखी सोहळयासाठी रोहा येथुन सालाबादप्रमाणे शेकडो भक्तगण पदयात्रा काडुन पायी चालत सोमवारी कार्ला डोंगराकडे निघाले. यंदा रोहा तालुक्यातुन सुमारे सहाशे भक्तगणांनी कार्ला डोंगराकडे कुच केली असुन भल्या पहाटे या पदयात्रा रोहा येथुन मार्गस्थ झाल्या आहेत. बुधवारी 25 मार्चला कार्ले येथील आई एकविरा देवीचा पालखी उत्सव साजरा होणारा आहे. रोहा शहरातील धनगर आळी मंडळ, रोठखुर्द गावातील जय भवानी मंडळ, झोलांबे येथिल हनुमान सेवा मंडळ, खारापटी येथिल आई…
पर्यावरण असंतुलनामुळे द्रोणागिरी डोंगराला धोका संरक्षणासाठी ठोस पावले उचला; आमदार महेश बालदी यांची लक्षवेधी पनवेल (प्रतिनिधी) उरणमधील ऐतिहासिक आणि पर्यावरणीय दृष्ट्या अत्यंत महत्त्वाच्या असलेल्या द्रोणागिरी डोंगराच्या संरक्षणाचा मुद्दा आता राज्य विधिमंडळाच्या व्यासपीठावर पोहोचला आहे. स्थानिक आमदार महेश बालदी यांनी विधानसभेत या संदर्भात लक्षवेधी सूचना मांडून डोंगराच्या जतनासाठी तातडीने ठोस पावले उचलण्याची मागणी सरकारकडे केली आहे. विधानसभेत बोलताना आमदार बालदी यांनी, रामायणापासून उल्लेख असलेला आणि छत्रपती शिवाजी महाराजांच्या किल्ल्याचा वारसा लाभलेला द्रोणागिरी डोंगर उरणकरांच्या अस्मितेचा आणि श्रद्धेचा भाग असल्याचे नमूद केले. तसेच गेल्या काही वर्षांपासून या डोंगरावर मोठ्या प्रमाणावर होणारी वृक्षतोड, धूप आणि अवैध उत्खनन यामुळे पर्यावरणीय संतुलन धोक्यात आले असल्याची चिंता व्यक्त केली. अरवली…
आदर्शगाव भातसईत श्री महादेवी मातेचा पालखी सोहळा व यात्रोत्सव भक्तिभावात रंगणार प्रतिनिधी – सत्यप्रसाद आडाव चणेरा आदर्शगाव भातसई येथे श्री महादेवी मातेचा पारंपरिक पालखी सोहळा आणि यात्रोत्सव यंदा मोठ्या उत्साहात साजरा होणार आहे. मंगळवार, दि. ३१ मार्च २०२६ रोजी पालखी सोहळ्याने उत्सवाची सुरुवात होणार असून बुधवार, दि. १ एप्रिल २०२६ रोजी यात्रोत्सव साजरा केला जाणार आहे. भातसई गावातील या यात्रेला ऐतिहासिक व धार्मिक परंपरेचा वारसा लाभला आहे. गावातील कथेनुसार, अनेक वर्षांपूर्वी एका गुराख्याला मिठकेश्वर जाळी परिसरात श्री महादेवी मातेचे दर्शन झाले होते. देवीने स्वतः गावाच्या पूर्व दिशेला मालावर प्रकट झाल्याचे सांगितले, त्यामुळे हे स्थान स्वयंभू मानले जाते. स्थानिकांच्या श्रद्धेनुसार, पूर्वी…
*नागोठणे शहरात खासदार श्री धैर्यशील पाटील यांचा वाढदिवस उत्साहात साजरा* प्रतिनिधी सुदर्शन कोटकर नागोठणे भारतीय जनता पार्टी तर्फे खासदार श्री धैर्यशील दादा पाटील यांच्या वाढदिवसाचे औचित्य साधुन नवनियुक्त नागोठणे शहराध्यक्ष श्री गणेश चंद्रकांत घाग यांच्या नेतृत्वात सामाजिक बांधिलकी जोपासत विविध उपक्रम राबविण्यात आले. प्रमुखाने शहराध्यक्ष श्री गणेश चंद्रकांत घाग यांनी रायगड चे राज्यसभा खासदार तथा दक्षिण रायगड जिल्हा अध्यक्ष श्री धैर्यशील ( दादा ) पाटील यांना वाढदिवसाच्या निमित्ताने शहराच्या वतीने शुभेच्छा दिल्या आणि दादांच्या निरोगी व दीर्घायुष्यासाठी ग्रामदेवता आई श्री जोगेश्वरी माता चरणी प्रार्थना केली. त्यानंतर उपस्थित पदाधिकारी व कार्यकर्त्यांना सोबत घेऊन डॉ.श्री कोकणे हॉस्पिटल मध्ये रुग्णांना फळ वाटप केले…
पनवेल (प्रतिनिधी) दानशूर व्यक्तिमत्व, माजी खासदार लोकनेते रामशेठ ठाकूर यांच्या अमृतमहोत्सवी वर्षानिमित्त विविध सामाजिक, शैक्षणिक व पर्यावरणपूरक उपक्रम राबविण्यात येत आहेत. त्याच पार्श्वभूमीवर आज उलवे नोड मधील रामशेठ ठाकूर पब्लिक स्कुलच्या प्रांगणात वृक्षारोपणाचा कार्यक्रम जनार्दन भगत शिक्षण प्रसारक संस्थेचे चेअरमन लोकनेते रामशेठ ठाकूर यांच्या प्रमुख उपस्थितीत उत्साहात पार पडला. पर्यावरण संवर्धनाचा संदेश देणाऱ्या या उपक्रमास जनार्दन भगत शिक्षण प्रसारक संस्थेचे व्हाईस चेअरमन वाय.टी. देशमुख, पंचायत समिती सदस्य वितेश म्हात्रे, पंचायत समिती सदस्या जिज्ञासा कोळी, गव्हाण ग्रामपंचायतीचे माजी उपसरपंच विजय घरत, सचिन घरत, ज्येष्ठ कार्यकर्ते जयवंत देशमुख, ऍड. राहुल घरत, दर्शन ठाकूर, स्वप्नील ठाकूर, विश्वनाथ कोळी,…
*नागोठणे पंचक्रोशी सकल हिंदु समाज आयोजित भव्य हिंदु सम्मेलन* प्रतिनिधी-सुदर्शन कोटकर नागोठणे पंचक्रोशी येथील सकल हिंदु समाज आयोजित विराट हिंदु सम्मेलन धार्मिक आणि अतिशय उत्साहाच्या वातावरणात साजरा करण्यात आला. यावेळी कार्यक्रमाची सुरुवात प्रमुख अतिथी मराठा आरमाराचे प्रमुख सरखेल कान्होजी राजे आंग्रे यांचे वंशज सन्माननीय श्री रघुजी राजे आंग्रे आणि थोर इतिहास आणि गडकोट अभ्यासक श्री सुखद जी राणे यांच्या हस्ते दीप प्रज्वलन आणि शिव प्रतिमेस व हिंदु देवतांना पुष्पहार अर्पण करून करण्यात आले. कार्यक्रमाचे अध्यक्ष स्थानज्येष्ठ समाजसेवक श्री विवेक जी रावकर यांनी भूषविले. मान्यवरांचे स्वागत करून त्यांना श्री गणेश जी राणे यांनी लाइव्ह छायाचित्र काढून भेट देण्यात आल्या. सुरुवातीस श्री…