*मुरुडमध्ये शांतता कमिटीची सभा उत्साहात

प्रतिनिधी / राजीव नेवासेकर

*आगामी येणाऱ्या गोकुळाष्टमी, गोपाळ काला, गौरी गणपती सणाच्या पार्श्वभूमीवर मुरुडमध्ये शांतता कमिटीची सभा तहसीलदार आदेश डफळ यांच्या अध्यक्षतेखाली जिल्हा परिषद सदस्य विघ्नेश माळी,ज्योती नागावकर, पंचायत समिती सभापती निलेश घाटवळ,उपसभापती अश्विनी जंगम, सदस्य गणेश नाक्ती, विस्तार अधिकारी प्रसादमाळी, नगरपरिषद नगरसेवक,मुख्याधिकारी सचिन बच्छाव, पोलिस निरीक्षक परशुराम कांबळे, सार्वजनिक बांधकाम विभागाचे उपअभियंताअजित सांगळे,शिवसेना उपजिल्हाप्रमुख भरत बेलोसे, महावितरण अधिकारी, आगार प्रमुख चिन्मय आंबवकर,
पोलिस पाटील, सर्व समाज अध्यक्ष,
मान्यवरांच्या उपस्थितीत संपन्न झाली.
आगामी सण शांतते मध्ये पार पडावे याबाबत सूचना देण्यात आल्या. आपल्या गावामध्ये कोणी काही अनुचित प्रकार करत असेल तर त्याबाबतची माहिती पोलीस ठाणे येथे देण्यात यावी. मिरवणूक मार्गबाबत काही अडचणी असतील तर त्या सामोपचाराने सोडवाव्यात. तसेच आपल्या गावातील मंदिर मस्जिद पुतळे दर्गे यामध्ये सीसीटीव्ही व सुरक्षा रक्षक यांची नेमणूक करावी व इतर सूचना देण्यात आल्या. मा. जिल्हाधिकारी सो यांचे कडील होमस्टे, हॉटेल, लॉजस बाबतचे आदेश बाबत सूचना दिल्या.