धाटाव औद्योगिक क्षेत्रातील कॅन्टीन सेवांवर आंतरराष्ट्रीय संकटाचे सावट; कामगार अडचणीत रोहा प्रतिनिधी (संतोष सातपुते) धाटाव औद्योगिक क्षेत्रात सध्या एक गंभीर व चिंताजनक परिस्थिती निर्माण झाली असून, अनेक कारखान्यांच्या कॅन्टीन सेवांवर आंतरराष्ट्रीय घडामोडींचे थेट परिणाम होत असल्याचे चित्र समोर आले आहे. विशेषतः आखाती देशांतील तणावपूर्ण परिस्थितीमुळे एलपीजी गॅसचा तीव्र तुटवडा निर्माण झाला असून, “पैसा आहे, पण गॅस नाही” अशी विचित्र अवस्था उद्योग परिसरात पाहायला मिळत आहे. गॅस अभावी अनेक कॅन्टीनमध्ये स्वयंपाक व्यवस्थाच कोलमडली आहे. काही ठिकाणी चपाती पूर्णपणे बंद करण्यात आली असून, कामगारांना फक्त उपमा, पोहे किंवा शिरा यांसारख्या मर्यादित पदार्थांवर समाधान मानावे लागत आहे. तर काही कारखान्यांनी फक्त नाश्त्यावरच कॅन्टीन…
Author: संपादक कुणाल मनोज घोसाळकर
नगरसेविका डॉ. अस्मिता घरत यांच्या जनता दरबाराला उत्स्फूर्त प्रतिसाद पनवेल (प्रतिनिधी) राज्यातील विविध भागांत नगरसेवक आणि लोकप्रतिनिधींकडून नागरिकांच्या समस्या सोडवण्यासाठी ‘जनता दरबार’ किंवा ‘जनसंपर्क अभियानाचे’ आयोजन केले जात आहे. या उपक्रमांमधून स्थानिक प्रश्न, नागरी सुविधा आणि प्रशासकीय अडचणींवर तत्काळ उपाययोजना करण्याचा प्रयत्न केला जातो. याच अनुषंगाने पनवेल महानगरपालिकेच्या प्रभाग १७ मध्ये नगरसेविका डॉ. अस्मिता जगदीश घरत यांनी नुकताच ‘जनता दरबार’ आयोजित करून नागरिकांच्या समस्या थेट जाणून घेतल्या आहेत. नगरसेविका अस्मिता जगदीश घरत यांनी रविवारी (दि.२२ मार्च) त्यांच्या जनसंपर्क कार्यालयात घेतलेल्या पहिल्याच जनता दरबाराला चांगला प्रतिसाद मिळाला. यावेळी विविध खात्यांसंदर्भात असलेल्या १०० हून अधिक तक्रारदारांच्या तक्रारी स्वतः नगरसेविका अस्मिता घरत यांनी…
महाराष्ट्र राज्य अजिंक्यपद निवड चाचणी कबड्डी स्पर्धा; २५ मार्चपासून रायगड जिल्हा कबड्डी संघाचे सराव शिबीर पनवेल (प्रतिनिधी) दिनांक २ एप्रिल ते ६ एप्रिल २०२६ या कालावधीत सिन्नर (जि. नाशिक) येथे होणाऱ्या महाराष्ट्र राज्य अजिंक्यपद निवड चाचणी कबड्डी स्पर्धेच्या पार्श्वभूमीवर रायगड जिल्हा कबड्डी असोसिएशनच्या पुरुष व महिला कबड्डी संघांचे सराव शिबीर आयोजित करण्यात आले आहे. श्री. रामशेठ ठाकूर सामाजिक विकास मंडळाच्या वतीने हे शिबीर दि. २५ ते ३१ मार्च २०२६ या कालावधीत पनवेल येथे उत्साहात पार पडणार आहे. दानशूर व्यक्तिमत्व माजी खासदार लोकनेते रामशेठ ठाकूर यांच्या अमृत महोत्सवी वर्षानिमित्त या विशेष कबड्डी शिबिराचे आयोजन करण्यात आले आहे. सदर शिबिराचे आयोजन भाजपचे…
रोह्यात उत्साहाचे वातावरण; आज रात्री ८ वाजता ‘मोहिनी’ मालिकेची टीम नागरिकांशी संवाद साधणार रोहा : रोहा शहरासाठी अभिमानाची बाब म्हणजे येथील कु. अनघा ठाकूर हिने मराठी मनोरंजन क्षेत्रात मोठी झेप घेत ‘मोहिनी’ या मालिकेत मुख्य भूमिका साकारली आहे. आपल्या मेहनत, जिद्द आणि अभिनय कौशल्याच्या जोरावर अनघाने छोट्या पडद्यावर आपली ओळख निर्माण केली आहे. या निमित्ताने ‘मोहिनी’ मालिकेची संपूर्ण टीम आज रात्री ८ वाजता रोह्यातील भाऊच्या धक्क्यावर येणार आहे. या वेळी कलाकार प्रेक्षकांशी संवाद साधणार असून, चाहत्यांना त्यांना प्रत्यक्ष भेटण्याची संधी मिळणार आहे. त्यामुळे शहरात उत्साहाचे वातावरण निर्माण झाले आहे. ‘मोहिनी’ ही मालिका प्रेम, नातेसंबंध आणि भावनिक कथानकावर आधारित असून, प्रेक्षकांना…
वित्तीय साक्षरतेत उल्लेखनीय कार्य; सुप्रिया पाशिलकर यांचा जिल्हाधिकाऱ्यांच्या हस्ते सन्मान रोहा प्रतिनिधी (संतोष सातपुते) रिझर्व्ह बँक ऑफ इंडिया (RBI), बँक ऑफ इंडिया रायगड आणि क्रिसील फाउंडेशन यांच्या संयुक्त विद्यमाने रायगड जिल्ह्यात राबविण्यात येत असलेल्या वित्तीय साक्षरता अभियानात उत्कृष्ट कामगिरी केल्याबद्दल सौ. सुप्रिया संजय पाशिलकर यांना सन्मानित करण्यात आले. १७ मार्च रोजी अलिबाग येथे आयोजित कार्यक्रमात रायगडचे जिल्हाधिकारी किशन जावळे यांच्या हस्ते हा सन्मान प्रदान करण्यात आला. यावेळी विशाल गोंडके (LDO, RBI मुंबई), सौ. दीपन्विता साहनी (विभाग प्रमुख, बँक ऑफ इंडिया रायगड विभाग), विजयकुमार कुलकर्णी तसेच प्रदीप आपसुंडे (नाबार्ड) यांची प्रमुख उपस्थिती होती. रायगड जिल्ह्यातील रोहा, सुधागड आणि महाड या तालुक्यांमध्ये…
छत्रपती शिवाजी महाराजांच्या कार्याचा गौरव करीत समाजात ऐक्य, प्रेरणा आणि देशभक्तीची भावना जपली गेली पाहिजे. –मंत्री भरतशेठ गोगावले . तळा-किशोर पितळे–दि. १९ मार्च २०२६ रोजी मराठी नववर्षाचे औचित्य साधत माणगाव तालुक्यातील गोरेगांवमधील संत रोहिदास गर्जना मंडळाच्या वतीने छत्रपती शिवाजी महाराज यांच्या स्मारकाचा नूतनीकरण लोकार्पण सोहळा मोठ्या उत्साहात नामदार भरतशेठ गोगावले यांची प्रमुख उपस्थिती पार पडला. या सोहळ्यावेळी अनेक मान्यवर उपस्थित होते. छत्रपती शिवाजी महाराज यांचे स्मारक १९९५ साली मंडळाचे संस्थापक अध्यक्ष स्व. प्रवीण रमेश गोरेगांवकर यांच्या कारकिर्दीत उभे करण्यात आले होते. या स्मारकास ३० वर्षे उलटल्याने संत रोहिदास गर्जना परिवाराने सदर स्मारकाचे नुतनीकरण करण्याचा विचार केला गेला आणि त्या विचारांवर…
तळा येथे हिंदू -मुस्लिम सामाजिक सलोख्याचे ऐक्याचे अनोखे दर्शन. तळा -किशोर पितळे-संपूर्ण देश व राज्यभरात मुस्लिम बांधवांनी रमजान ईदचा सण अत्यंत आनंदाने मोठ्या उत्साहात साजरा केला.तालुक्यातील शहरातीलवरचामोहल्ला,मेटमोहल्ला,मांदाड,रहाटाड, कुडे,मजगांव येथील शनीवारी सकाळी मुस्लिम बांधवांनी पांढरे शुभ्र कपडे परीधान करून नमाज पठण करून ईद साजरी केली.नमाज अदा केल्यानंतर तळा येथील हिंदूमुस्लिम सामाजिक सलोख्याचे ऐक्याचे अनोखे दर्शन रमजान ईद दिनी पहायला मिळाले एकमेकांना गळाभेट घेत दिल्या ईदच्या शुभेच्छा देऊन मोठ्या उत्साहात आनंदाने रमजान सण साजरा करून सर्व धर्म सम-भाव सामाजिक सलोखा सर्व राजकीय पक्ष भेद न करता कार्यकर्ते पदाधिकारी यांनी भेट घेऊन पेढे गुलाबपुष्प, बुके दिले शुभेच्छा दिल्या गेली कित्येक वर्षे हिंदू ,मुस्लिम,…
पनवेल महानगर प्रेस क्लब अध्यक्ष पत्रकार प्रशांत शेडगे उत्कृष्ट पत्रकार पुरस्काराने सन्मानित पनवेल (प्रतिनिधी ) पनवेल येथील गेली अनेक वर्षे पत्रकारितेमध्ये लेखणीच्या माध्यमातून अनेक वंचित घटकांना न्याय देण्याबरोबरच विविध सामाजिक विषय मार्गी लावणारे पनवेल महानगर प्रेस क्लब चे अध्यक्ष पत्रकार प्रशांत शेडगे यांना नागोठणे ग्रामीण विभाग पत्रकार असोशियनचा मानाचा उत्कृष्ट पत्रकार पुरस्कार राष्ट्रवादी काँग्रेसचे प्रदेशाध्यक्ष खासदार सुनील तटकरे यांच्या हस्ते प्रदान करून सन्मानित करण्यात आले. नागोठणे ग्रामीण विभाग पत्रकार असोशियनचा १४ वा वर्धापन दिन मोठया उत्सवात साजरा करण्यात आला. या वेळी कार्यक्रमाला प्रमुख मान्यवर म्हणून राष्ट्रवादी काँग्रेसचे प्रदेशाध्यक्ष खासदार लोकनेते सुनील तटकरे यांची प्रमुख उपस्थिती…
माणगावातील कलिंगड उत्पादकांच्या अडचणी युवानेते निलेश थोरें यांची कारवाईची मागणी (प्रतिनिधी माणगाव) : भारतीय जनता पक्षाचे दक्षिण रायगड युवा मोर्चा जिल्हाध्यक्ष निलेश थोरें यांनी माणगाव तालुक्यातील कलिंगड उत्पादकांच्या विविध समस्या घेऊन रायगड जिल्हा परिषदच्या मुख्य कार्यकारी अधिकारी डॉ. नेहा भोसले यांची भेट घेतली. यावेळी भाजपाचे तालुकाध्यक्ष परशुराम सांबळे देखील उपस्थित होते. भेटीत शेतकऱ्यांना भेडसावणाऱ्या प्रमुख अडचणींवर चर्चा झाली. अनेक वेळा काही व्यापारी शेतकऱ्यांना कमी भावात कलिंगड लावण्यासाठी रोपे, औषधे आणि खते पुरवतात, पण नंतर शेतकऱ्यांना मोठ्या आर्थिक नुकसानीला सामोरे जावे लागते. अशा फसवणुकीमुळे शेतकऱ्यांना कोणतेही साधन उपलब्ध राहत नाही निलेश थोरें यांनी मुख्य कार्यकारी अधिकाऱ्यांकडे शिफारस केली की, कलिंगड…
चांगू काना ठाकूर आर्ट्स, कॉमर्स अँड सायन्स कॉलेज, न्यू पनवेल ( अधिकारप्रदत्त स्वायत्त) येथील रसायनशास्त्र विभागाच्या वतीने वळवली गावात रसायनशास्त्र जनजागृती कार्यक्रम उत्साहात संपन्न नवीन पनवेल जनार्दन भगत शिक्षण प्रसारक संस्थेच्या चांगू काना ठाकूर आर्ट्स, कॉमर्स अँड सायन्स कॉलेज, न्यू पनवेल ( अधिकारप्रदत्त स्वायत्त) येथील रसायनशास्त्र विभागाच्या वतीने “रसायनशास्त्र विषयाचे महत्त्व आणि दैनंदिन जीवनातील उपयोग” या विषयावर जनजागृती कार्यक्रम उत्साहात पार पडला. हा कार्यक्रम मंगळवार, दिनांक १७ मार्च २०२६ रोजी सकाळी ९ वाजता रायगड जिल्हा परिषद शाळा, वळवली (पनवेल महानगरपालिका क्षेत्र) येथे आयोजित करण्यात आला होता. लोकनेते माजी खासदार रामशेठ ठाकूर तसेच आमदार प्रशांत ठाकूर यांच्या शिक्षणविस्ताराच्या विचारातून प्रेरित होऊन…