यशवंतखारमध्ये आनंदाचा जल्लोष – हेमंत ठाकूर साहेबांना वाढदिवसाच्या हार्दिक शुभेच्छा

प्रतिनिधी – सत्यप्रसाद आडाव चणेरा

आज यशवंतखार गावासह संपूर्ण परिसरात आनंदाचे आणि अभिमानाचे वातावरण पसरले आहे. समाजातील प्रेरणादायी, दानशूर आणि कर्तृत्ववान व्यक्तिमत्त्व म्हणून ओळख असलेले रायगड जिल्हा मार्केटिंग फेडरेशनचे चेअरमन हेमंत ठाकूर साहेब यांचा वाढदिवस मोठ्या उत्साहात साजरा.
साहेबांनी आपल्या आयुष्यातील प्रत्येक टप्प्यावर बांधिलकी जपत समाजाच्या मुख्य प्रवाहात स्वतःचे वेगळे स्थान निर्माण केले आहे. त्यांच्या कार्यामुळे ते केवळ यशवंतखार गावाचेच नव्हे, तर संपूर्ण परिसराचे भूषण ठरले आहेत. त्यांच्या नेतृत्वगुणांमुळे आणि कार्यतत्परतेमुळे अनेकांना नवी दिशा मिळाली आहे.
निडर नेतृत्व, शेतकरी कामगार पक्षातील सक्रिय सहभाग आणि प्रसंगानुरूप निर्णय घेण्याची क्षमता हे त्यांच्या व्यक्तिमत्त्वाचे ठळक पैलू आहेत. कधी कडक तर कधी शांत आणि समंजस असा त्यांचा स्वभाव लोकांना आपलासा वाटतो. त्यांच्या उच्च विचारसरणी, दूरदृष्टी आणि वैचारिक परिपक्वतेमुळे ते अनेकांसाठी आदर्श ठरले आहेत.
अष्टपैलू कलागुणांनी समृद्ध असलेले ठाकूर साहेब आपल्या हसमुख आणि दिलदार स्वभावामुळे जनसामान्यांमध्ये विशेष लोकप्रिय आहेत. त्यांच्या कार्याची छाप समाजाच्या विविध स्तरांवर उमटलेली दिसून येते. त्यांनी केलेले सामाजिक कार्य आणि योगदान हे खरोखरच कौतुकास्पद आहे.
या विशेष दिनानिमित्त मित्रपरिवार, सहकारी, राजकीय कार्यकर्ते आणि चाहत्यांकडून त्यांच्यावर शुभेच्छांचा वर्षाव होत असून, त्यांच्या उत्तम आरोग्य, दीर्घायुष्य आणि उज्ज्वल भविष्यासाठी मनःपूर्वक शुभेच्छा व्यक्त केल्या जात आहेत.