दहिवली तर्फे वरेर्डी ग्रामपंचायतीच्या उपसरपंचपदी स्वाती विरले यांची बिनविरोध निवड !

कर्जत प्रतिनिधी /गणेश पवार

कर्जत तालुक्यातील दहिवली तर्फे वरेर्डी ग्रुप ग्रामपंचायतीच्या रिक्त झालेल्या उपसरपंचपदी स्वाती सुनील विरले यांची बिनविरोध निवड करण्यात आली.
माजी उपसरपंच रोहिणी निलेश विरले यांनी पदाचा राजीनामा दिल्यामुळे उपसरपंचपदाची निवडणूक घेण्यात आली. यासाठी आयोजित विशेष सभेत निर्धारित वेळेत स्वाती सुनील विरले यांचाच एकमेव उमेदवारी अर्ज दाखल झाला. त्यामुळे त्यांची उपसरपंचपदी बिनविरोध निवड झाल्याची घोषणा पीठासीन अधिकारी तथा सरपंच मेघा अमर मिसाळ यांनी केली.

या विशेष सभेला ग्रामपंचायत सदस्य सोनम गायकवाड, रोहिणी विरले, विष्णू वाघमारे, नरेश कालेकर, शिवाजी मिसाळ, यशवंत भवारे, स्वाती विरले यांच्यासह ग्रामस्थ मोठ्या संख्येने उपस्थित होते.

निवडणूक प्रक्रिया शांततेत व सुरळीत पार पडली. यावेळी ग्रामपंचायत प्रशासनाने पीठासीन अधिकाऱ्यांना आवश्यक सहकार्य केले. स्वाती विरले यांच्या बिनविरोध निवडीनंतर ग्रामस्थांनी त्यांचे अभिनंदन करून पुढील कार्यकाळासाठी शुभेच्छा दिल्या.