ज्ञानांकुर इंग्लिश मीडियम स्कूल खांब शाळेचा दहावीचा निकाल १०० टक्के,८८.६०% गुण मिळवून सेजल शेडगे प्रथम.
कोलाड (श्याम लोखंडे) रोहा तालुक्यातील तसेच खांब विभागात इंग्रजी क्षेत्रात अग्रेसर असणाऱ्या मंजुळा एज्युकेशन वेल्फेअर अँड सोसायटीचे ज्ञानांकुर इंग्लिश मीडियम स्कूल खांब शाळेचा १० वी चा निकाल १०० % इतका लागला असून ८८.६० % गुण संपादित करून सेजल शेडगे ही वर्गात सर्व प्रथम आली आहे.
ज्ञानांकुर इंग्लिश मीडियम स्कूल खांब या शाळेचा द्वितीय वर्ष इयत्ता दहावी चा वर्ग असतानाच प्रथम वर्षा प्रमाणेच येथील विद्यार्थी वर्गाने त्यांचा पावलावर पाऊल उचलत यशस्वी गुण मिळवून शाळेला शंभर टक्के निकाल देत गुणांची बाजी मारली असून सलग दुसऱ्या वर्षी या शाळेने शंभर टक्के निकाल दिला आहे त्यामुळे या परिसरात सर्व स्तरांतून विद्यार्थ्यांसह शाळेचे कौतुक होत आहे.
ज्ञानांकुर इंग्लिश मीडियम स्कूल खांब शाळेचे विद्यार्थी या परीक्षेत बसले होते ते सर्व विद्यार्थ्यांनी उत्तम गुण मिळवून बाजी मारली तर शाळेला शंभर टक्के निकाल देत शुक्रवारी ८ में रोजी दुपारी ऑनलाईन पद्धतीने जाहीर झालेल्या इयत्ता दहावी निकालमध्ये सेजल शेडगे ८८.६०%,कनिका कचरे ८५.६०%,मधुरा कोस्तेकर ८३.२०%,श्रेया भोसले ८२.६०%, श्रुती वाटवे ८२.४०%, सह शाळेतील सर्व विद्यार्थ्यां उत्तीर्ण झाले तर विद्यार्थी वर्गाच्या या सुयशाबद्दल चेअरमन तसेच संस्थापक अध्यक्ष रविंद्र लोखंडे, उपाध्यक्ष सुधीर लोखंडे, डॉ. श्यामभाऊ लोखंडे,संस्थेचे सर्व संचालक मंडळ, तसेच परीक्षा प्रमुख मुख्याध्यापिका रिया लोखंडे सर्व शिक्षक तथा शिक्षकेतर कर्मचारी वर्ग तसेच खांब विभागातील शिक्षणप्रेमी नागरिक यांनी अभिनंदन व्यक्त करून शुभेच्छा दिल्या आहेत.