*राष्ट्रवादीला मोठा धक्का, अशोक धोत्रेंच्या नेतृत्वात शिवसेनेची ताकद वाढली;*
*रोहा खालचा मोहल्ला मध्ये मोठा पक्षप्रवेश*

रोहा/समीर बामुगडे/

रोहा तालुक्यातील खालचा मोहल्ला परिसरात राजकीय वातावरण चांगलेच तापले असून राष्ट्रवादी काँग्रेस पक्षाला मोठा धक्का बसल्याची चर्चा जोरात सुरू आहे. अनेक वर्षे राष्ट्रवादीशी जोडलेले स्थानिक कार्यकर्ते आणि पदाधिकारी यांनी एकत्रितपणे शिवसेना (शिंदे गट) मध्ये प्रवेश करत स्थानिक राजकारणात मोठी उलथापालथ घडवून आणली आहे.

रम्मक शेटे, अनिफ पठाण, मजेदार किडमगैर, फैजल सिद्दीक, असिद पेढेकर, बाबाजान शेटे, असल्लम खान, लाला शेख, सफा शेटे, शगुफ्ता डागे, नोमरान, खतिजा रोगे, राकेश शेडगे यांसारख्या प्रभावी कार्यकर्त्यांनी शिवसेना शिंदे गटावर विश्वास ठेवत अधिकृत प्रवेश केला. या सामूहिक निर्णयामुळे खालचा मोहल्ला परिसरातील राजकीय समीकरणे पूर्णपणे बदलल्याचे चित्र दिसून आले.

या भव्य पक्षप्रवेशाचे नेतृत्व स्थानिक नेते अशोक धोत्रे यांनी केले. त्यांच्या नेतृत्वामुळे शिवसेनेची ताकद मोठ्या प्रमाणात वाढताना दिसत आहे.

अशोक धोत्रे यांची ताकद रोह्यातील राजकारणात वेगळीच ओळख निर्माण करणारी आहे. गेल्या नगरपालिका निवडणुकीत त्यांनी शिवसेना (शिंदे गट) मध्ये पक्षप्रवेश केल्यानंतर अवघ्या ७-८ दिवसांत तब्बल ४ ते ५ हजार मतं मिळवत आपली संघटनशक्ती आणि जनाधार ठळकपणे सिद्ध केला. इतक्या कमी कालावधीत मिळालेला हा प्रतिसाद स्थानिक राजकारणात मोठा संदेश देणारा ठरला.

विशेष म्हणजे त्यांच्या वॉर्डात दोन्ही ठिकाणी त्यांनी राष्ट्रवादी काँग्रेसला अक्षरशः धूळ चारत आपली पकड मजबूत केली. केवळ निवडणुकीपुरते मर्यादित न राहता, कार्यकर्त्यांशी असलेला संपर्क, लोकांच्या प्रश्नांवर तात्काळ भूमिका आणि सातत्याने काम करण्याची पद्धत यामुळे अशोक धोत्रे यांच्यावर लोकांचा विश्वास दिवसेंदिवस वाढताना दिसत आहे.

आज खालचा मोहल्ला परिसरात झालेला मोठा पक्षप्रवेश हा त्याच विश्वासाचा परिणाम मानला जात आहे. अशोक धोत्रे यांच्या नेतृत्वाखाली शिवसेना शिंदे गटाची ताकद झपाट्याने वाढत असून, रोह्यातील राजकारणात ते एक निर्णायक चेहरा म्हणून पुढे येत आहेत.

दरम्यान, या घडामोडीमुळे रोह्यातील राजकीय समीकरणे बदलण्याची चिन्हे दिसत असून आगामी निवडणुकांमध्ये याचे मोठे परिणाम होण्याची शक्यता वर्तवली जात आहे. खालचा मोहल्ला हा राष्ट्रवादीचा बालेकिल्ला मानला जात असताना, तेथून झालेला हा मोठा पक्षप्रवेश शिवसेना शिंदे गटासाठी निर्णायक ठरण्याची शक्यता आहे.