रायगड नाभिक तरुण संघाची नवी कार्यकारिणी जाहीर; पदनियुक्ती सोहळा उत्साहात
रोहा प्रतिनिधी (संतोष सातपुते)
रायगड जिल्हा नाभिक तरुण संघाच्या नव्याने निवडलेल्या कार्यकारिणीचा पदनियुक्ती सोहळा मोठ्या उत्साहात पार पडला. हा कार्यक्रम जिल्हाध्यक्ष सुदाम बाबू शिंदे यांच्या अध्यक्षतेखाली तसेच विश्वस्तांच्या शुभहस्ते संपन्न झाला.
या सोहळ्यात दिनेश मोरे यांची कार्याध्यक्षपदी नियुक्ती करण्यात आली. उपाध्यक्षपदी आदेश बुरुणकर (दक्षिण विभाग), भगवान निमुतकर (मध्य विभाग) आणि विनोद पवार (उत्तर विभाग) यांची निवड झाली.
मुख्य सचिवपदी सुरेंद्र पालांडे यांची निवड करण्यात आली असून सहसचिवपदी सचिन दिवेकर (दक्षिण), विजय भोसले (मध्य) आणि जयेश मोरे (उत्तर) यांची नियुक्ती करण्यात आली. कोषाध्यक्षपदी योगेश शिर्के, हिशोब तपासनीसपदी नितीन बडे तर सह हिशोब तपासनीसपदी जयंत शिंदे यांची निवड झाली.
महाराष्ट्र राज्य प्रतिनिधी म्हणून संतोष गायकवाड, लवाद समिती अध्यक्षपदी राज पवार आणि उपाध्यक्षपदी किरण शिंदे यांची निवड करण्यात आली. तसेच पंचकोशी अध्यक्षपदी बबन सकपाळ (दक्षिण), प्रमोद जाधव (मध्य) आणि सुनील खराडे (उत्तर) यांची नियुक्ती करण्यात आली.
संघटकपदी संदीप चाफेकर (दक्षिण), प्रविण खराडे (मध्य) आणि अमित पंडीत (उत्तर) यांची निवड झाली. याशिवाय १३ सल्लागार, ४५ जिल्हा सदस्य, १५ तालुका अध्यक्ष आणि एक महिला प्रतिनिधी अशा विविध पदांवरही नियुक्त्या करण्यात आल्या.
कार्यक्रमात “पदाचा हक्क, अधिकार आणि काम” या विषयावर जिल्हाध्यक्ष सुदाम शिंदे यांनी मार्गदर्शन केले. तसेच बापुसाहेब सोनगिरे, मयूर दिवेकर आणि यशवंत खराडे या विश्वस्तांसह अनेक पदाधिकाऱ्यांनीही उपस्थितांना मार्गदर्शन केले.
सभेचे सूत्रसंचालन जिल्हा सचिव सुरेंद्र पालांडे यांनी केले. उपस्थित समाजबांधवांनी उत्स्फूर्त प्रतिसाद देत कार्यक्रम यशस्वी केला. शेवटी कार्याध्यक्ष दिनेश मोरे यांनी सर्वांचे आभार मानत संघाची पुढील वाटचाल सामाजिक प्रगती व उत्कर्षाच्या दिशेने राहील, असा विश्वास व्यक्त केला.