युवा नेते आकाश धोत्रे यांच्या वाढदिवसानिमित्त विविध सामाजिक उपक्रमांचे आयोजन

रोहा प्रतिनिधी (संतोष सातपुते)

रोहा शहरातील उभरते सामाजिक नेतृत्व आणि शिवसेनेचे युवा नेते आकाश धोत्रे यांच्या वाढदिवसानिमित्त गुरुवारी विविध सामाजिक उपक्रमांचे आयोजन करण्यात आले. रोहा शिवसेनेच्या वतीने आयोजित करण्यात आलेल्या या उपक्रमांमध्ये रक्तदान शिबिर, वृक्षारोपण तसेच अन्नदान कार्यक्रमाचा समावेश होता.
ज्येष्ठ नागरिक सभागृह येथे आयोजित करण्यात आलेल्या रक्तदान शिबिराला नागरिकांचा उत्स्फूर्त प्रतिसाद लाभला. अनेक युवकांनी स्वयंस्फूर्तीने रक्तदान करत सामाजिक बांधिलकीचा आदर्श समाजासमोर ठेवला. यासोबतच पर्यावरण संवर्धनाचा संदेश देण्यासाठी वृक्षारोपण उपक्रम राबविण्यात आला, तर गरजूंसाठी अन्नदान कार्यक्रमही आयोजित करण्यात आला.
यावेळी उपस्थित मान्यवरांनी युवकांनी सामाजिक कार्यात सक्रिय सहभाग घेत समाजासाठी योगदान द्यावे, असे आवाहन केले. समाजसेवा, पर्यावरण संवर्धन आणि मानवतेचा संदेश देणारे हे उपक्रम विशेष आकर्षण ठरले.
आकाश धोत्रे यांच्या वाढदिवसानिमित्त आयोजित या सामाजिक उपक्रमांचे नागरिकांनी कौतुक केले. कार्यक्रमाला शिवसेना जिल्हाप्रमुख प्रमोद घोसाळकर, रोहा तालुका सकल मराठा समाज अध्यक्ष प्रदीप देशमुख, उपतालुका प्रमुख चंद्रकांत लोखंडे, शिवसेना नेते अशोक धोत्रे, युवती सेना जिल्हाप्रमुख सायली सदावर्ते, ग्राहक संरक्षण कक्षाचे उप जिल्हाप्रमुख श्री.नारायण खुळे, श्री.संदेश मोरे रोहा उपतालुका प्रमुख,श्री. नितीन तेंडुलकर जेष्ठ शिवसेना नेते,शिवसेना कार्यकर्ते, सामाजिक कार्यकर्ते तसेच नागरिक मोठ्या संख्येने उपस्थित होते.