रोहा शहरातील विविध प्रभागांतील रस्ता डांबरीकरण कामांचा शुभारंभ उत्साहात संपन्न

रोहा प्रतिनिधी नंदकुमार बामुगडे

रोहा शहरातील नागरिकांच्या दैनंदिन वाहतुकीस अधिक सुलभता मिळावी तसेच शहराच्या विकासकामांना अधिक गती मिळावी या उद्देशाने प्रभाग क्रमांक १० मोरे आळी चौक, प्रभाग क्रमांक ४ सेवादल आळी आणि प्रभाग क्रमांक ५ सोनार आळी चौक येथील रस्ता डांबरीकरण कामांचा शुभारंभ आज मोठ्या उत्साहात पार पडला. या विकासकामांचा शुभारंभ मा. नगराध्यक्ष कुमारी वनश्रीताई समीर शेडगे यांच्या शुभहस्ते करण्यात आला.

रोहा शहराच्या सर्वांगीण विकासासाठी सातत्याने सकारात्मक भूमिका घेत नागरिकांच्या मूलभूत सुविधांना प्राधान्य देत राबविण्यात येत असलेल्या या विकासकामांमुळे स्थानिक नागरिकांमध्ये समाधानाचे वातावरण निर्माण झाले आहे.

यावेळी उपनगराध्यक्ष मा. अहमद दर्जी, कार्याध्यक्ष मा. समीर जनार्दन शेडगे, गटनेते तथा नगरसेवक मा. महेंद्र रमेश गुजर, नगरसेवक अजित मोरे, नगरसेवक अलिम मुमेरे, माजी नगरसेवक सुभाष राजे, युवा कार्यकर्ते कु. मिहिर मंगेश शृंगारपुरे, हर्ष जैन तसेच स्थानिक नागरिक मोठ्या संख्येने उपस्थित होते.

शहरातील रस्ते अधिक सुस्थितीत व सुरक्षित करण्याच्या दृष्टीने हाती घेण्यात आलेल्या या कामांचे उपस्थित नागरिकांनी स्वागत करत सर्व मान्यवरांचे अभिनंदन केले. रोहा शहर विकासाच्या दिशेने अशाच प्रकारे प्रगती करत राहो, अशा भावना यावेळी व्यक्त करण्यात आल्या.