श्री लक्ष्मीनारायण मंदिर दैवज्ञ ब्राह्मण समाज तळे येथे चैत्रगौरी हळदी कुंकू समारंभ संपन्न.
तळा-किशोर पितळे- प्रतिवर्षा प्रमाणे श्रीलक्ष्मीनारायण मंदिर दैवज्ञ ब्राह्मण समाज तळे येथे चैत्रगौरी हळदी कुंकू समारंभ रविवार दि.२९मार्च२६रोजी महीला मंडळाच्या वतीने आयोजित पारंपरिक पद्धतीने करण्यात आला.भावी पिढीने याचा वसा पुढेचालवावा या उदात्त हेतूने केला जातो.
हिंदू धर्मात चैत्रगौरी हळदीकुंकू समारंभाला विषेश महत्त्व आहे. चैत्र शुद्ध तृतीयेला गौरी माहेरी येते आणि वैशाख शुक्ल अक्षय तृतीयेला सासरी जाते अशी पौराणिक कथा आहे.मराठी नववर्ष सुरु होते.वसंत ऋतू ची चाहूल लागते पानझडी होऊन नव्यानेझाडांना पालवी फुटते कोकीळाचे गान सुरु होते चैतन्य निर्माण होत असते हि निसर्गाची किमया आहे. म्हणजेच श्री लक्ष्मी चा वास असतो.हा सण स्त्री शक्तीचे प्रतीक असून तो वसंत ऋतूच्या स्वागतासाठी आणि पतीच्या दीर्घायुष्यासाठी सुवासिनींकडून साजरा केला जातो. घरात अन्नपूर्णा देवीची मूर्ती किंवा चैत्रगौरीची स्थापना केली जाते. गौरीला सुंदर साडी,दागिने घालून सजवले जाते आणि झोपाळ्यावर ठेवले जाते.या काळात महिला आपापल्या घरी चैत्रगौरीचे हळदीकुंकू आयोजित करतात.घरात चैत्रांगण (सुंदर रांगोळी) काढली जाते देवीला कैरीचीडाळ,कैरीचेपन्हे(सरबत) , हरभरे आणि फळांचा नैवेद्य विविध पदार्थ पक्वान्न बनवून दाखवला जातो.विवाहित महिलांना बोलावून त्यांची भिजेचे हरभरे (चणे)ओटी (खण-नारळ) भरली जाते.या कार्यक्रमात सर्व समाजभगीनीउपस्थितहोत्या.