भानंगकोंड(वृंदावन)विभागातील दिड दिवसांच्या बाप्पांना वाजत गाजत भक्तीमय वातावरणात भावपुर्ण निरोप.

प्रतिनिधी / तळा-किशोर पितळे 

तळा तालुक्यातील भानंगकोंड(वृंदावन)
विभागात सोमवारी १४ सप्टेंबर रोजी बाप्पांच्या आगमना पासून गावागावात मोठे उत्साहाचे वातावरण निर्माण झाले होते तर दिड दिवसांच्या ता.१५ रोजी बाप्पांना ढोल,ताशांच्या व खालू बाजाआणी टाळ,मृदुंगाच्या भजनाच्या गजरात गणपती बाप्पा मोरया पुढच्या वर्षी लवकर या,उंदीर मामा की जय जयकार करीत लहान थोर मंडळी भक्तगणांनी आपल्या लाडक्या आवडत्या बाप्पाला मोठया भक्तिमय वातावरणात मंगळवारी १५ सप्टेंबर रोजी निरोप दिला. यावेळी गावातील लहान थोर तसेच महीला भगिनी यांनी विसर्जन स्थळांवर मोठी गर्दी करीत सर्वाना सुखी ठेव,धंदा उद्योगात बरकत दे शेती भाती चांगली बहरू दे.अशी विनंती करीत भक्तीमय वातावरणात जड अंत:करणाने भावपूर्ण निरोप दिला.गणपती विसर्जनासाठी आठ दहा दिवसांपूर्वीच येथील ग्रामस्थांनी एकत्रित येऊन गणरायांचे आगमन होणार असल्याने गावातील व विसर्जन स्थळांवर विशेष व्यवस्था आणी विद्युत रोषणाई करण्यात आली होती.तर विशेष विसर्जन घाटांची आणि ते मार्गावर ठिकाणी ग्रामस्थ नागरिकांनी स्वच्छता करण्यात आली होती.तसेच निर्माल्य विसर्जनासाठी मोठा खड्डा करून निर्माल्या पासून सेंद्रिय खत होईल याउद्देशाने व पाण्याचे प्रदूषण रोखण्यासाठी प्रयत्न केला आहे हा संदेश दिला आहे गणपती उत्सव प्रथमदिनी लहान थोर ग्रामस्थ नागरीक माता भगिनींनी भजन,नाच गाण्यांचा आनंद लुटला मंगळवारी सायंकाळी वाजत गाजत, गुलालाची उधळत न करता,टाळ मॄदुंग,ढोल ताशाच्या गजरात फटाक्यांच्या आतषबाजीत श्री गणरायांचे विसर्जन करण्यासाठी गर्दी उसळली होती.एका मागुन एक घरगुती गणपती विसर्जनासाठी नजिकच्या तलाव ठिकाणी निघाले होते. तर पावसाच्या विश्रांतीत बाप्पाला मोठ्या उत्साहात आणि आनंदाने भक्तीमय वातावरणात निरोप दिला. भक्तगणांनी बाप्पानो हळूहळू चाला मुखाने मोरया बोला, गणपती बाप्पा मोरया,पुढच्या वर्षी लवकर या उंदीर मामा की जय असे गजर करीत तलावात तर काही ठिकाणी नदीवर भावपुर्ण आणि भक्तीमय वातावरणात गणरायांचे विसर्जन केले