रोह्यातील मंगलवाडी शैक्षणिक संकुलात स्वातंत्र्यदिन उत्साहात; शिक्षण सभापती रविंद्र चाळके यांच्या हस्ते ध्वजारोहण

रोहा प्रतिनिधी (संतोष सातपुते)

देशाच्या ८०व्या स्वातंत्र्यदिनानिमित्त रोहा-अष्टमी नगरपरिषदेच्या डॉ. सी. डी. देशमुख माध्यमिक विद्यालय, रोहा व मंगलवाडी शैक्षणिक संकुलाच्या वतीने शनिवार, दि. १५ ऑगस्ट २०२६ रोजी सकाळी ७.२५ वाजता मंगलवाडी शाळा संकुलात स्वातंत्र्यदिनाचा कार्यक्रम देशभक्तीमय वातावरणात उत्साहात पार पडला.
रोहा नगरपरिषदेचे शिक्षण सभापती श्री. रविंद्र सुधीर चाळके यांच्या हस्ते राष्ट्रध्वजाचे ध्वजारोहण करण्यात आले. राष्ट्रध्वजाला मानवंदना देत उपस्थितांनी राष्ट्रगीत गायले. यावेळी ‘भारत माता की जय’, ‘वंदे मातरम्’च्या घोषणांनी संपूर्ण शाळा परिसर दुमदुमून गेला. कार्यक्रमात माजी सैनिकांचा विशेष सन्मान करण्यात आला.
यावेळी उपनगराध्यक्ष अहमद दर्जी नगरसेवक अजित मोरे, नगरसेविका डॉ. प्रियांका धनावडे, सौ. गौरी बारटक्के, सौ. सुप्रिया जाधव, माजी नगरसेवक श्री. सुभाष राजे, माजी नगरसेविका श्रीमती सुजाता चाळके सामाजिक कार्यकर्ते श्री. स्वप्नील धनावडे, श्री. प्रेषित बारटक्के, सुरेश मोरे सर यांच्यासह शाळांचे मुख्याध्यापक, मुख्याध्यापिका, शिक्षक, शिक्षकेतर कर्मचारी, विद्यार्थी व पालक मोठ्या संख्येने उपस्थित होते.
स्वातंत्र्यदिनानिमित्त विद्यार्थ्यांनी देशभक्तीपर गीते, घोषणा तसेच विविध सांस्कृतिक कार्यक्रम सादर करून राष्ट्रप्रेमाची भावना जागृत केली. विद्यार्थ्यांच्या उत्स्फूर्त सहभागामुळे मंगलवाडी शैक्षणिक संकुलात उत्साह आणि देशभक्तीचे वातावरण निर्माण झाले होते.
कार्यक्रमाच्या यशस्वी आयोजनासाठी सौ. स्मिता गुरव, सौ. वैदेही वि. सायगावकर, श्री. अजय लहू गायकवाड, श्री. ईश्वर दामु लाडे तसेच सर्व शिक्षक व शिक्षकेतर कर्मचाऱ्यांनी विशेष परिश्रम घेतले.
‘स्वातंत्र्याचा अभिमान मनात, राष्ट्रसेवेचा संकल्प कृतीत’ या भावनेने मंगलवाडी शैक्षणिक संकुलात स्वातंत्र्यदिन मोठ्या उत्साहात साजरा करण्यात आला.