उच्च शिक्षित हर्षचा अकाली मृत्यू सर्वांच्या जीवाला चटका लाऊन जाणारा, दुःखाने सर्वत्र हळहळ.

कोलाड (श्याम लोखंडे)

रोहा तालुक्यातील तांबडी बुद्रुक येथील सामाजिक तथा शैक्षणिक क्षेत्रात अग्रेसर कुणबी समाजोन्नती मुंबई संघाचे सदस्य तसेच कुणबी संघटनेचे माजी रोहे शहराध्यक्ष प्रा.माधव आग्री यांचा सुपुत्र शैक्षणिक क्षेत्रात प्रगत असलेल्या युवा उमेदीचा कु. हर्ष वय वर्षे २५ याचा दुर्दैवी अकाली मृत्यू हा साऱ्यांच्या जिवाला चटका लाऊन जाणारा,तर त्याच्या अकाली जाण्याने सर्वत्र हळहळ व्यक्त होत आग्री परिवारावर मोठे दुःखाचे डोंगर तर परिसरात शोककळा पसरली आहे.

प्रा.माधव आग्री यांचा थोरला मुलगा कु.हर्ष यांनी बी फार्मसीचे उत्तम शिक्षण घेतले घरातील साऱ्या कुटुंबियांचा सर्वांचा लाडला मात्र त्यालाच नियतीने बोलावणे केले घरातून उठता बसता साधी भोवळ (चक्कर) आली आणि हर्ष च्या जीवावर बेतली तात्काळ उपचारासाठी नेले मात्र त्यास साऱ्या उपाय योजना फोल ठरल्या. त्यामुळे समाजात विचारांची देवाण घेवाण आपल्या स्वतःच्या मुलांप्रमाणे गोर गरिबांची पोरं देखील उच्च शिक्षण शिकली पाहिजे यासाठी कायम माधव आग्री हे तत्पर साधी रहाणी आणि उच्च विचारसरणी सारे कुटुंब उच्च शिक्षित त्यामुळे प्रा.माधव आग्री हे गेली अनेक वर्षं नोकरी निमित्ताने मुंबई नालासोपारा येथे शिक्षक म्हणून नोकरी करीत सारे कुटुंब वास्तव्यास होत.नवरा बायको मुळे दोन असा सुखी संसार पत्नी समवेत सामान्य प्रवर्गातील गोर गरिबांची पोरं देखील शिकली पाहिजे हा ध्यास मनात कायम सारे कुटुंब शिक्षित त्यामुळे गोर गरीब घटकातील अनेकांच्या मुलांना आपल्या कोचिंग मधून मोफत क्लास देण्याचे महान कार्य या कुटुंबियांच्या माध्यमातून आजही होत आहे.सामाजिक शैक्षणिक तसेच विविध क्षेत्रात उत्तम प्रकारे दातृत्व आग्री परिवाराचे मुंबई पासून गावाकडील भागात आज कायम आहे मात्र त्यांच्याच पदरी भले मोठे अस्मानी संकट कोसळले आणि हर्ष च्या अकाली मृत्यूचा धक्का हा सऱ्या परिवाला बसला आग्री परिवारावर मोठे दुःखाचे डोंगर निर्माण झाले आहेत.

शांत आणि मनमिळावू स्वभाव सदैव शिक्षणात प्रगत असलेला हर्ष याचा मंगळवारी 14 जुलै रोजी अकाली मृत्यूची बातमी समजताच त्याच्या अंतविधीसाठी असंख्य सर्व क्षेत्रातून जनसमुदाय उपस्थित होते त्याच्यावर मुंबई नाला सोपारा येथे अंतिम विधी आणि श्रद्धांजली अर्पण करण्यात आली तर त्याचे पुढील दशक्रिया कार्यविधी हे गुरुवारी 23 जुलै रोजी तर उत्तरकार्य 26 जुलै रोजी नाला सोपारा मुंबई येथे संपन्न होत असल्याची माहिती त्यांच्या निकटवर्तीयांकडून मिळाली आहे.