रोहा धाटाव औद्योगिक क्षेत्रातील ट्रान्सवर्ड फर्टिकेम कंपनीत भीषण आग,सुदैवाने कोणतीही जीवितहानी नाही, घटनेत कंपनीचे मोठे नुकसान.
कोलाड (श्याम लोखंडे ) रोहा तालुक्यातील धाटाव औद्योगिक क्षेत्रातील
ट्रान्सवर्ड फर्टिकेम लिमिटेड कंपनीत बुधवारी १८ मार्च रोजी सायंकाळी पाच साडेपाच च्या सुमारास अचानक प्लांट मधील इमारतीच्या टेरेसवर असलेल्या कुलिंग टॉवरला अचानक आग लागल्याने सर्वत्र एकच खळबळ उडून हा हा कार माजला, तर आगीचे तांडव आणि धुराची कोंडी त्यामुळे आगीवर नियंत्रण मिळवण्यासाठी कंपनीतील सुरक्षा दल रक्षक आणि कामगार तसेच पाचारण करण्यात आलेल्या दोन अग्निशमन दलाच्या सुरक्षा रक्षक दलाला मोठी कसरत करावी लागली असून अखेर अथक शर्यतीच्या प्रयत्नाने आगीवर नियंत्रण मिळवण्यात अग्निशमन दलाला यश आले. यावेळी कोणतीही जीवितहानी झाली नसल्याने व्यवस्थापनाने सुटकेचा श्वास सोडले. मात्र अचानक लागलेल्या आगीत कुलिंग टॉवर सहित आजुबाजूला असलेले काही साहित्य यात जळून खाक झाल्याने कंपनीचे मोठे नुकसान झाले आहे. तसेच घडलेल्या घटनांची अधिकचा तपास सदरील पोलीस करत असल्याचे समजते.
मिळालेली माहिती अशी की औद्योगिक क्षेत्रातील ट्रान्सवर्ड फर्टिकेम लिमिटेड या कंपनीत अचानक ऑफिस इमारतीच्या टेरेसवरती असलेले बंद स्वरूपात असलेल्या एफआरपी फायबरचे कूलिंग टॉवरच्या वेल्डिंगचे काम चालू असताना फायबरने अचानक पेट घेतला. त्यामुळे ही आग लागल्याचा प्राथमिक अंदाज व्यक्त केला जात आहे. मात्र ही दुर्दैवी घटना घडली त्यात पूर्ण कुलिंग टॉवर जळून खाक झाला असून कंपनीचे खूप मोठ्याप्रमाणावर नुकसान झाले आहे. तर घडलेल्या घटनेत कामगारांच्या तसेच सेफ्टी सुरक्षा यंत्रणेच्या प्रसंगसावधेतेमुळे कोणतीही जीवित हानी झाली नसल्याचे व्यवस्थापनाकडून सांगण्यात आले.
मोठ्या आगीच्या तांडवामुळे तसेच काळभोर धुरांच्या लाटांची कोंडी सर्वत्र पसरल्यामुले आजू बाजूचे ग्रामस्थ तूर्तास भयभयीत होत भीतीचे वातावरण झाले होते. मात्र सदरची घटना घडताच कंपनी व्यवस्थापन यांच्याकडून अग्निशमन दलाला ताबडतोब पाचारण करण्यात आले. त्यामुळे औद्योगिक क्षेत्रातील दोन अग्निशमन बंब तात्काळ घटनास्थळी दाखल होत ही आग नियंत्रणात आणण्यासाठी शर्थीचे प्रयत्न करून आग ताबडतोब नियंत्रणात आणली. तसेच या घटनेची माहिती मिळताच सदरील पोलीस यंत्रणा देखील घटनास्थळी दाखल झाली असून घटनेचा तपास रोहा पोलिस निरीक्षक तसेच त्यांचे सहकारी अधिक युद्ध पातळीवर करत आहेत.