रोह्यात पावसाची हजेरी खांब कोलाड परिसरातील चिंताग्रस्त बळिराजा सुखावला.

कोलाड (श्याम लोखंडे) रोहा तालुक्यातील खांब कोलाड परिसरातील शेतकरी गेली अनेक दिवसांपासून शेतात खरिपाची पेरणी केलेल्या धानाला वेळेवर पाणी मिळावे यासाठी पावसाच्या प्रतीक्षेत होते.तर काही शेतकरी पावसाच्या प्रतीक्षेत आजही आहेत. नेहमीपेक्षा या वर्षीचा पाऊस लांबल्याने तसेच गेली दहा पंधरा दिवस पावसाच्या अभावामुळे शेतात काहींची धान पेरणीची कामे रखडली खूप मोठ्या प्रमाणातील उष्णता आणि गर्मीने खरिपात भातशेती कोरडी पडली त्यामुळे बळिराजा चांगलाच संकटात सापडला असल्याचे दिसून येत होते.

शनिवारी रात्रीच्या सुमारास काही ठिकाणी पावसाने रिम झीम केली.तर रविवारी दुपारी बारा वाजता नंतर कोलाड खांब परिसरात हजेरी लावली नंतर जोर धरत उशिराने अधिक जोर धरत एक पावसाचा मोठा सर्वा झाला आणि थंडावा निर्माण झाल्याने नागरिकांना दिलास मिळाला.पावसाने सुरूवात केली त्यामुळे धानाची पेरणी करण्यात आलेल्या बळीराजाच्या शेतात तहानलेल्या धानाला पाणी मिळाले कोरडी पडलेली भातशेतीत चिंताग्रस्त बळिराजा सुखावत जोमाने कामाला सुरुवात करणार असल्याचे दिसून येत आहे.
सुरवातीपासूनच हवामान खात्याने पाऊस कमी असल्याचा आणिउशिराने सुरू होण्याचा अंदाज व्यक्त केला होता तर जून महिन्याअखेर दमदार पावसाची सुरवात तर येणाऱ्या जुलै महिन्यात पावसाची अधिक दमदार सुरुवात होईल असे तर्क वितरक केले जात आहेत.

पावसाअभावी व ते लांबल्याने राज्याचे मुख्यमंत्री यांनी केलेल्या आवाहनामुळे काही शेतकऱ्यांची खरीप हंगामातील भात पेरणी लांबली व त्यांनी हवामान खात्याने व्यक्त केलेल्या अंदाजामुळे धान पेरणी केली नसल्याचे बोलले जात आहे तर न पेरणी केल्यामुळे बळिराजा चांगलाच संकटात सापडला होता.इतिहासात रायगड हे भात कोठार म्हणून ओळखले जाते रायगड सह कोकणात भात पिकावर जगणारे आणि त्यावर उदार निर्वाह चालवणारे असंख्ये शेतकरी आहेत.

जून महिन्यात पाऊस सुरू होतो मात्र पावसाची रखडपट्टी अनेक शेतकऱ्यांच्या जिव्हारी लागली काहींनी खरिपात शेतात पेरणी केलेले धान हे अनेक दिवस मातीत कोरड्यावर त्यामुळे रुजवा झाला नाही कोरडी शेती आणि त्यात पेरणी केलेले धान हे पावसाच्या प्रतीक्षेत त्यात बळीराजाचे भिरभारणारे डोळे हे आकाशाकडे टक लावत होते.
पावसाने हजेरी लावताच चिंताग्रस्त बळिराजा आता सुखावला असल्याने शेतकरी वर्गातून समाधान व्यक्त केले जात आहे.तसेच उष्णतेवर थोडा गारवा झाला असल्याने नागरिकांच्यात देखील सर्वत्र समाधान व्यक्त केले जात आहे.