*रोहा : विहिरीत आढळलेल्या व्यक्तीचा मृतदेह बाहेर काढला*

प्रतिनिधी आदित्य नागे

रोहा तालुक्यातील एका विहिरीत 55 वर्षीय व्यक्तीचा मृतदेह आढळून आल्याने परिसरात खळबळ उडाली आहे.
मिळालेल्या माहितीनुसार, सुरेश गुहागरकर (वय 55) हे मूळचे वाडवली, श्रीवर्धन येथील रहिवासी असून सध्या भुवनेश्वर, श्रीकृष्ण नगर येथे वास्तव्यास होते. आज दुपारी त्यांच्या घराजवळील विहिरीत त्यांचा मृतदेह आढळून आला.

घटनेची माहिती मिळताच रोहा पोलीस तसेच NVSSR (निसर्ग वन्यजीव संवर्धन संस्था रायगड) बचाव पथक घटनास्थळी दाखल झाले. पथकाने विहिरीतून मृतदेह बाहेर काढून पुढील तपासासाठी पोलिसांच्या ताब्यात दिला.

यानंतर मृतदेह शवविच्छेदनासाठी रोहा उपजिल्हा रुग्णालयात पाठविण्यात आला असून मृत्यूचे नेमके कारण अद्याप स्पष्ट झालेले नाही. या प्रकरणाचा पुढील तपास रोहा पोलीस करीत आहेत.