- पनवेल (प्रतिनिधी) रायगड प्रेस क्लबची महत्त्वपूर्ण जिल्हा कार्यकारिणी सभा नुकताच पनवेल येथे संपन्न झाली. या सभेत रायगड प्रेस क्लबच्या वतीने देण्यात येणाऱ्या २०२६ सालच्या विविध प्रतिष्ठित पत्रकारिता पुरस्कारांची रायगड प्रेस क्लबच्या वतीने अधिकृत घोषणा करण्यात आली असून विविध क्षेत्रातील मान्यवरांच्या उपस्थितीत ८ एप्रिल रोजी पनवेल येथे वासुदेव बळवंत फडके नाट्यगृहात हा भव्य गौरव सोहळा पार पडणार आहे.
सदर सभा रायगड प्रेस क्लबचे अध्यक्ष प्रशांत गोपाळे यांच्या अध्यक्षतेखाली पार पडली. यावेळी मराठी पत्रकार परिषदेचे अध्यक्ष मिलिंद आष्टीवकर, कोकण विभागीय सचिव मनोज खांबे, माजी अध्यक्ष विजय मोकल, अनिल भोळे, कार्याध्यक्ष संजय मोहिते, सरचिटणीस दर्वेश पालकर, उपाध्यक्ष मोहन जाधव, मुख्य संघटक शशिकांत मोरे, महिला संघटिका सीमा मोरे, संघटक दिनेश सुतार, विभागीय सचिव शिवराज पार्टे, जनसंपर्क अधिकारी कमलेश ठाकूर, पनवेल महानगर प्रेस क्लबचे अध्यक्ष प्रशांत शेडगे यांच्यासह जिल्हाभरातील पदाधिकारी, तालुका अध्यक्ष व सदस्य मोठ्या संख्येने उपस्थित होते.
*जाहीर झालेले पुरस्कार व मानकरी:*
– आचार्य अत्रे राज्यस्तरीय संपादक सन्मान: कमलेश सुतार (संपादक, झी २४ तास)
– रायगड प्रेस क्लब जीवन गौरव सन्मान: उमाजी केळुस्कर (अलिबाग)
– निशिकांत जोशी स्मृती पत्रकार सन्मान: नरेश पवार (पेण)
– क्रांतीज्योती सावित्रीबाई फुले महिला पत्रकार सन्मान: श्रीमती तृप्ती पालकर (पनवेल)
– दीपक शिंदे स्मृती व्हिडिओ जर्नालिस्ट सन्मान: स्वप्नील दुधारे (पनवेल)
– प्रकाश काटदरे स्मृती निर्भीड पत्रकार सन्मान: रवींद्रनाथ ओव्हाळ (पाली)
– संतोष पवार स्मृती युवा पत्रकार सन्मान: शिवराज पार्टे (पोलादपूर)
– अॅड. जनार्दन पाटील स्मृती शोध पत्रकार सन्मान: विद्यानंद ओव्हाळ (कर्जत)
– डॉ. सचिन पाटील स्मृती पत्रकारिता सन्मान: शशिकांत मोरे (रोहा)
– प्रेस क्लब अॅक्टिव्ह जर्नालिस्ट सन्मान: चंद्रहास नगरकर (महाड) व अमूलकुमार जैन (मुरुड)
– रायगड प्रेस क्लब विशेष सन्मान: अजय कदम (माथेरान) व रवींद्र मोरे (खोपोली)
– रायगड प्रेस क्लब सामाजिक कार्यकर्ता सन्मान: सह्याद्री वन्यजीव रक्षणार्थ सामाजिक संस्था (कोलाड) व हेल्प फाउंडेशन (खोपोली)
– रायगड जिल्हा श्रमिक पत्रकारिता सन्मान: हरेश साठे (पनवेल) व विश्वजीत लुमन (रोहा)
चौकट- ८ एप्रिल रोजी वर्धापन दिन सोहळा*
रायगड प्रेस क्लबचा २१ वा वर्धापन दिन आणि पत्रकार सन्मान सोहळा बुधवार, ८ एप्रिल २०२६ रोजी सकाळी ११:०० वाजता क्रांतिवीर वासुदेव बळवंत फडके नाट्यगृह, पनवेल येथे आयोजित करण्यात आला आहे. या कार्यक्रमाचे संयोजन ‘पनवेल महानगर प्रेस क्लब’ करणार आहे.