जिल्हा परिषद पंचायत समिती सदस्य असोसिएशन पुणेच्या अध्यक्षपदी मिलिंद वाळंज यांची निवड

अलिबाग(रत्नाकर पाटील) जिल्हा परिषद व पंचायत समिती सदस्य असोसिएशनचे अध्यक्ष कैलास गोरे पाटील आणि संस्थेचे राष्ट्रीय सल्लागार शरद बुट्टे पाटील आणि पुणे जिल्हा परिषद अध्यक्ष वीरधवल जगदाळे यांच्या उपस्थितीत मिलिंद वाळंज यांची पुणे जिल्हा परिषद व पंचायत समिती सदस्य असोसिएशनचे अध्यक्ष पदीनिवड करण्यात आली.

जिल्हा परिषद पंचायत समिती सदस्य असोसिएशन ही देशातील 22 राज्यांमध्ये स्थानिक स्वराज्य संस्थेच्या न्याय हक्कासाठी कार्य करणारी संस्था आहे मागील चार वर्षापासून रखडलेल्या स्थानिक स्वराज्य संस्थेच्या निवडणुका घेण्यासाठी संस्थेच्या वतीने सुप्रीम कोर्टामध्ये अँड.प्रशांत केंजळे यांच्या वतीने दिनांक 29 मे 2025 रोजी याचिका दाखल करण्यात आली होती.
ग्रामीण महाराष्ट्राचा विकास करण्यासाठी स्थानिक स्वराज्य संस्थेचे सदस्य मजबूत व अभ्यासू असणे गरजेचे आहे याकरिता सदस्यांच्या सक्षमीकरणासाठी संस्था राज्यभर कार्य करत आहे असे मत श्री गोरे पाटील यांनी बोलून दाखवले.
नवनिर्वाचित अध्यक्ष मिलिंद वाळुंज यांनी मागील काळामध्ये ग्रामपंचायत स्तरावर विविध संघटनांच्या माध्यमातून मोठ्या प्रमाणावर सामाजिक कार्य केलेले आहे त्यांच्या कार्याची पोचपावती म्हणून त्यांची पुणे जिल्हा अध्यक्षपदी निवड केल्याचे गोरे पाटील बोलून दाखवले .भविष्यात पुणे जिल्ह्यातील सर्व तालुका पंचायत निहाय दौरा करून प्रत्येक सदस्याला सोबत घेऊन संघटनेचे उद्देश शेवटच्या सदस्यापर्यंत पोहोचवणे तसेच वेळोवेळी पक्ष विरहित फक्त समाजसेवा हाच उद्देश डोळ्यापुढे ठेवून मी संघटनेचे कार्य जोमाने करेन अशी ग्वाही नवनिर्वाचित अध्यक्ष यांनी दिला.
पुढील दहा-बारा दिवसांमध्ये संघटनेच्या सर्व 12 जिल्हा परिषदेमधील अध्यक्षांची सन्मान पर मीटिंग माना श्री जयकुमार गोरे साहेब ग्रामविकास मंत्री यांच्या सोबत आयोजित करण्याचे ठरले आहे.
संघटनेच्या वतीने राज्य सरकारकडे सदस्यांच्या विविध मागण्यांचा पाठपुरावा करण्यात येणार आहे प्रामुख्याने यामध्ये सदस्यांचे अधिकार मान सन्मान आणि विकास निधी तसेच इतर राज्याप्रमाणे मानधन व कार्यपद्धतीमध्ये सुधारणा आणि गतिशीलता अशा मागण्या सरकारकडे करण्यासाठी लवकरच राज्यस्तरीय मेळावा घेण्याचे श्री गोरे पाटील यांनी बोलून दाखवले.
यावेळी कार्यक्रमाच्या उपस्थितीत प्रामुख्याने जिल्हा परिषद पुणे चे अध्यक्ष वीरधवल जगदाळे माननीय उपाध्यक्ष श्री वळसे पाटील तसेच महिला पदाधिकारी श्रीमती अर्चना पाटील आणि जिल्हा परिषद सदस्य.तसेच विकास गरड अध्यक्ष जनजागर सरपंच परिषद आबा खारे राज्य उपाध्यक्ष व विविध पदाधिकारी उपस्थित होते.