पुगाव गावचे भजन प्रेमी मारुती गोठम यांचे निधन.

रोहा प्रतिनिधी (संतोष सातपुते)

रोहा तालुक्यातील पुगाव गावचे एक सर्व गुण संपन्न व्यक्तिमत्व गायन कलेची विशेष आवड असणारे भजन प्रेमी मारुती गोठम. यांचे वयाच्या 72 व्या वर्षी वृद्धापकाळाने निधन झाले एक चांगले व्यक्तिमत्व हरपल्या ने पूगाव तसेच कोलाड ,खांब,पंचक्रोशीत हळहळ.व्यक्त होत आहे.

मारुती गोठम हे शांत संयमी असे व्यक्तिमत्त्व होते. पुगाव गावच्या सामाजिक राजकीय सांस्कृतिक जडणघडणीत त्यांचा मोलाचा सहभाग होता. गावच्या सामाजिक राजकीय कामात ते हिरारीने भाग घेत असत. पुगाव गांव तसे वारकरी संप्रदायिक गाव त्रिनयन बाप्पांचे गाव आहे. त्यामुळे अगदी लहानपणापासूनच मारुती गोठम यांच्यावर आध्यात्मिक विचाराचा पगडा बसला होता. त्यांना गायन कलेची प्रचंड आवड होती. त्यांच्या आवाज देखील सुमधुर होता. त्यामुळे त्यांनी अनेक वर्ष पेटी वादक व गायनचार्य म्हणून कला दाखवली .कलगी तुरा पारंपारिक नाचा मध्ये त्यांनी शाहिरी कला दाखवली होती .

धाटाव एमआयडीसीमध्ये निर्लोन कंपनीमध्ये ते सेवा निवृत्त झाले होते. आपल्या सर्व मुला मुलींना त्याने चांगले शिक्षण दिले. निवृत्तीनंतर त्यांनी गावची सामाजिक सेवा केली. पुगाव ग्रामपंचायत मध्ये उपसरपंच होते .त्यांचा नम्र स्वभाव सर्वांशी प्रेमाने राहणे या स्वभावामुळे ते गावात सर्वांचे आवडते होते .

त्यांच्या निधनाने गावात सामाजिक राजकीय सांस्कृतिक क्षेत्रात काम करणारा एक हरहुन्नरी व्यक्तिमत्व हरपल्याची भावना तरुण वर्गाने व्यक्त केली.