शिक्षण सेवकांचा कॅन्डलमार्च मौन ,जिल्ह्यातील तीनशेहून अधिक शिक्षण सेवकांची उपस्थिती विविध शिक्षक संघटनाचा सहभाग,शांततेत श्रद्धांजली अर्पण.
कोलाड (श्याम लोखंडे) महाराष्ट्रातील शिक्षण सेवकांचा अकाली मृत्यू सन २०२४ च्या शिक्षक भरती मध्ये लागलेल्या शिक्षक बांधवांमध्ये संपूर्ण महाराष्ट्रातील एकूण १३ शिक्षण सेवकांचा अकाली मृत्यू झाला आहे, त्यांच्या कुटुंबीयांवर ओढवलेले दुःखाचे डोंगर याबाबतचा खूप खेद शिक्षण सेवकांमधून उफाळून निघाला यासाठी दिवंगत शिक्षण सेवक बांधवांस श्रद्धांजली वाहण्यासाठी रायगड जिल्ह्यातील सर्व शिक्षण सेवक यांच्या वतीने रोहा तालुक्यातील रोहा मारुती चौक येथे २५ एप्रिल रोजी शांततापूर्ण असे कॅन्डलमार्च मौन बाळगून त्यांना श्रद्धांजली वाहिली या प्रसंगी रायगड जिल्ह्यातील जवळपास तीनशेहून अधिक शिक्षण सेवक आणि पदाधिकारी तसेच जिल्ह्यातील विविध शिक्षक संस्थेचे पदाधिकारी यांनी सहभागी होऊन त्यांना आदराने मौन बाळगून पुष्पांजली अर्पण करून श्रद्धांजली वाहिली .
रायगड जिल्ह्यात कार्यरत असलेले शिक्षण सेवक तसेच दिवंगत शिक्षण सेवक यांच्या सर्व सहकारी मित्र शिक्षण सेवकांनी उपस्थिती दर्शवित आपल्यातून कबाड कष्ट आणि मेहनती शिक्षण सेवक यांचे अकाली निघून गेलेल्या शिक्षण सेवकांना रोह्यातील मारुती चौक बाजारपेठ ते शिव छत्रपती शिवाजी महाराज शिव सृष्टी गार्डन या दरम्यान कॅन्डलमार्च मौन बाळगत त्यांना श्रद्धांजली वाहिली यावेळी रायगड जिल्ह्यातील तळा, म्हसळा,पोलादपूर,अलिबाग, महाड, पाली सुधागड,मुरूड,माणगाव,श्रीवर्धन,कर्जत, रोहा, सह तालुक्यातील बहुसंख्येने शिक्षण सेवक तसेच विविध शिक्षक संघटनेचे पदाधिकारी यावेळी उपस्थित होते.
रोहा तालुका शिक्षण सेवक यांच्या वतीने हा कार्यक्रम आयोजित करण्यात आला होता याला उत्सुर्तपणे प्रतिसाद मिळाला तर सरकारने शिक्षण सेवक हे पद रद्द करून सरळ शिक्षक भरती म्हणून आम्हा सर्वांना न्याय हक्क देण्यात आले पाहिजे तसेच राज्यातील तेरा शिक्षण सेवकांचा अकाली मृत्यूने त्यांचा कुटुंबियांवर ओढवला गेलेला आर्थिक संकट याचा सरकारने विचार करून त्यांना योग्य ती मदत त्या कुटुंबियांना करावी अशी मागणी आणि करत या दिवंगत मित्रांना श्रद्धांजली अर्पण केली. तसेच या प्रसंगी अजय कापसे,महाडेश्वर, सह विविध शिक्षक संघटनेच्या पदाधिकारी यांनी दिवंगत शिक्षण सेवक यांच्या बद्दल आपले दुःख व्यक्त करत संघटनेच्या वतीने त्यांना न्याय मिळविण्यासाठी पुढील पाठपुरावा करण्यात येणार असल्याचे सांगितले. यावेळी गायकर,अरुण आगलावे,शोभा खांडेकर,कल्याणी भोसले, प्रशांत अहिरराव, शिवकुमार माने,निवृत्ती शिंदे,रणजीत मिरगणे, स्वप्निल पाटील,अतुल बोंद्रे,प्रभाकर तुपे,मयूर पाटील,शिवशंकर डांगे, सह सर्व बहुसंख्येने शिक्षण सेवक उपस्थित होते.
यावेळी कॅन्डलमार्च मौन मोर्चातून श्रद्धांजली अर्पण करण्यात आली तसेच दिवंगत शिक्षण सेवक यांच्या बद्दलच्या दुःख भावना अनेकांनी व्यक्त केल्या तसेच त्यांना मौन बाळगून पुष्पांजली अर्पण करण्यात आली आणि याची सांगता राष्ट्रगीत आणि राज्यगिताने करण्यात आली.