युवा आधार सामाजिक संस्थेकडून ११० विद्यार्थ्यांना शैक्षणिक साहित्याचे वाटप

रोहा प्रतिनिधी (संतोष सातपुते)

विद्यार्थ्यांच्या शैक्षणिक वाटचालीला प्रोत्साहन देण्यासाठी आणि त्यांच्या उज्ज्वल भविष्यासाठी सामाजिक बांधिलकी जपत ‘युवा आधार, रोहा’ या सामाजिक संस्थेच्या वतीने घट कांबळे वसतिगृह येथे शैक्षणिक साहित्य वितरणाचा स्तुत्य उपक्रम आयोजित करण्यात आला. या उपक्रमांतर्गत रोहा, माणगाव व पाली परिसरातील ११० होतकरू विद्यार्थ्यांना शालेय साहित्य व खाऊचे वाटप करण्यात आले.
कार्यक्रमाला रोहा नगरपरिषदेचे उपनगराध्यक्ष अहमद दर्जी, राष्ट्रवादी काँग्रेस पक्षाचे गटनेते महेंद्र गुजर, नगरसेविका पूर्वा पप्पू मोहिते, शिवसेनेचे उपतालुका प्रमुख संतोष खेरटकर, बौद्ध युवा संघ रायगडचे अध्यक्ष जितेंद्र गायकवाड, शिक्षक व पत्रकार नंदकुमार मरवडे, अक्षरवेल फाउंडेशनचे अध्यक्ष सौरभ चव्हाण तसेच समाजसेवक बिलाल मोरबेकर यांच्यासह विविध क्षेत्रांतील मान्यवर उपस्थित होते. उपस्थित मान्यवरांनी विद्यार्थ्यांना शिक्षणाचे महत्त्व पटवून देत उज्ज्वल भविष्यासाठी प्रेरणादायी मार्गदर्शन केले.
यावेळी विश्वनाथ जाधव, नरेश गायकवाड, विलास कांबळे, चंद्रशेखर कांबळे, मिथुन इंगळे, चिन्मय गायकवाड, सोमनाथ वाघमारे, यश खंडागले, अक्षय गायकवाड यांच्यासह अनेक मान्यवर उपस्थित होते.
कार्यक्रमाच्या यशस्वी आयोजनासाठी ‘युवा आधार’चे संस्थापक अध्यक्ष संदेश गायकवाड, कार्याध्यक्ष चेतन गायकवाड, उपाध्यक्ष सुमित आगळे व किशोर कान्हेकर, सरचिटणीस प्रफुल्ल कांबळे, सहसचिव महेंद्र थिटे, मुख्य सल्लागार निलेश शेडगे, महिला अध्यक्षा कोमल गायकवाड, मुख्य प्रवक्त्या अदिती वाटवे, मुख्य समन्वयक अमित पेणकर आणि डिजिटल मीडिया समन्वयक अभिषेक सानप यांनी विशेष परिश्रम घेतले.
कार्यक्रमाचे प्रभावी सूत्रसंचालन अमित नरेश शिंदे यांनी केले.
यावेळी उपस्थित मान्यवरांनी ‘युवा आधार’ संस्थेच्या सामाजिक कार्याचे तोंडभरून कौतुक करत, भविष्यातही अशा विधायक उपक्रमांना आपले सहकार्य व भक्कम पाठबळ कायम राहील, अशी ग्वाही दिली.
या उपक्रमामुळे विद्यार्थ्यांच्या चेहऱ्यावर आनंद फुलला असून, ‘युवा आधार, रोहा’ संस्थेच्या या सामाजिक उपक्रमाचे रायगड जिल्ह्यासह सामाजिक क्षेत्रातून सर्वत्र कौतुक होत आहे.