*नागोठणे पोलीस स्टेशनचे अमलदार लांगी दांपत्याच्या सुपुत्राचा वाढदिवस आश्रमशाळेत, विद्यार्थ्यांना वह्या-पेन व अन्नदान*

*नागोठणे प्रतिनिधी दिपक सोनावणे
दि. 28 जून 2026:* 

रायगड जिल्ह्यातील नागोठणे पोलीस स्टेशनमध्ये कार्यरत असलेले कर्तव्यदक्ष पोलीस अमलदार *श्री. महेश लांगी* व महिला पोलीस अमलदार *सौ. मनीषा लांगी* यांचे सुपुत्र *कु. मानस महेश लांगी* याचा वाढदिवस सामाजिक बांधिलकी जपत साजरा करण्यात आला.

*नागोठणे येथील निवासी आश्रम शाळा, डॉक्टर नेल्सन मंडेला* येथे कु. मानसचा वाढदिवस साजरा करण्यात आला. *यावेळी लांगी कुटुंबीयांनी आश्रमशाळेतील सर्व विद्यार्थ्यांना वह्या-पेनचे वाटप केले व अन्नदानाचा कार्यक्रम आयोजित केला होता.* केक कापून विद्यार्थ्यांसोबत वाढदिवसाचा आनंद द्विगुणित केला.

या प्रसंगी सेवानिवृत्त मुख्याध्यापक *श्री. बबन पालवे*, प्राथमिक शिक्षिका *सौ. आशा पालवे*, इंजिनिअर *श्री. अजय पालवे*, सामाजिक कार्यकर्ते *श्री. सुशील राजवले*, भाजपचे क्रीडा तालुकाध्यक्ष *श्री. शेखर गोले* तसेच नेल्सन मंडेला संस्थेचे कर्मचारी मोठ्या संख्येने उपस्थित होते.

“खाकी वर्दी सांभाळत असताना समाजातील वंचित घटकांसाठी झटणारे लांगी दांपत्य खरोखरच कौतुकास पात्र आहे. स्वतःच्या मुलाचा वाढदिवस अनाथ मुलांसोबत साजरा करून त्यांनी समाजापुढे एक नवा आदर्श ठेवला आहे,” अशा शब्दात उपस्थित मान्यवरांनी गौरवोद्गार काढले.