रोटरी क्लब ऑफ रोहा सेंट्रलची मासिक सभा उत्साहात संपन्न; नवे नेतृत्व, नवे संकल्प!
रोहा प्रतिनिधी (संतोष सातपुते)
रोटरी क्लब ऑफ रोहा सेंट्रलची मासिक सभा अध्यक्ष रो. विजय दिवकर यांच्या अध्यक्षतेखाली बयोज फार्म येथे निसर्गरम्य वातावरणात, उत्साहपूर्ण आणि खेळीमेळीच्या वातावरणात संपन्न झाली.
सभेची सुरुवात राष्ट्रगीताने करण्यात आली. यानंतर सभेचे औपचारिक स्वागत अध्यक्ष रो. विजय दिवकर यांनी करत सर्व सभासदांचे मनःपूर्वक स्वागत केले.
या सभेत नवनिर्वाचित अध्यक्ष (2026-27) रो. लक्ष्मण मोरे यांचे विशेष उपस्थितीत स्वागत करण्यात आले. त्यांचा गौरवपूर्ण परिचय व स्वागत रो. मयुर दिवेकर यांनी केले.
सचिव रो. राकेश कागडा यांनी मागील वर्षातील प्रकल्पांचा सविस्तर लेखाजोखा मांडत, सर्व सभासदांनी दिलेल्या सहकार्याबद्दल आभार मानले. पुढील वर्षातही त्याच जोमाने आणि एकोप्याने काम करण्याचे आवाहन त्यांनी केले.
रो. मनोज बोराना यांनी मनोगत व्यक्त करत अध्यक्ष रो. विजय दिवकर यांच्या कार्यकाळाचे मनापासून कौतुक केले. त्यांच्या नेतृत्वाखाली क्लब अधिक संघटित आणि सक्रिय झाल्याचे त्यांनी नमूद केले.
मावळते अध्यक्ष रो. विजय दिवकर यांनी आपल्या कार्यकाळाचा आढावा घेत, प्रत्येक उपक्रमात सभासदांचा उत्स्फूर्त सहभाग लाभल्याचे सांगितले. त्यांच्या कार्यकाळात पत्नी अॅन्स रो. संध्या दिवकर यांच्या माध्यमातून महिलांचा सक्रिय सहभाग वाढला असून, रोह्यातील भटहॉल येथे भव्य हळदीकुंकू कार्यक्रम यशस्वीपणे आयोजित झाल्याचा विशेष उल्लेख त्यांनी केला.
माजी अध्यक्ष तथा रोहा अष्टमी नगरपरिषदेचे सभापती रो. मयुर दिवेकर यांनी रोटरी क्लबच्या स्थापनेपासून (2017-18) आजपर्यंतच्या प्रवासाचा आढावा घेत मार्गदर्शन केले. कोविड काळातील आव्हानात्मक परिस्थितीतही सर्व सभासदांनी दिलेल्या सहकार्याचे त्यांनी विशेष कौतुक केले. तसेच नवनिर्वाचित अध्यक्ष रो. लक्ष्मण मोरे हे CSR माध्यमातून प्रभावी उपक्रम राबवतील असा विश्वास त्यांनी व्यक्त केला.
सभेत पुढील कार्यकारिणीची निवड सर्वानुमते करण्यात आली.
सचिव : रो. मनोज बोराना
खजिनदार : रो. रुपेश चौधरी
या निवडीस रो. राकेश कागडा यांनी अनुमोदन दिले. तसेच विविध विभागांसाठी BOD (Board of Directors) ची स्थापना करण्यात आली.
दिनांक 1 जुलै 2026 पासून नवनिर्वाचित अध्यक्ष रो. लक्ष्मण मोरे अधिकृतपणे पदभार स्वीकारून वर्षभरातील उपक्रम यशस्वीरीत्या राबवतील, असा विश्वास सभेत व्यक्त करण्यात आला.
कार्यक्रमाच्या शेवटी अध्यक्ष रो. विजय दिवकर यांनी सर्वांचे आभार मानले. बयोज फार्म येथे निसर्गसंपन्न वातावरणात सभेचा समारोप उत्साहात झाला.
रोटरी क्लब ऑफ रोहा सेंट्रलचा हा कार्यक्रम यशस्वीपणे पार पडत “जय रोटरी, जय जय रोटरी”च्या घोषणांनी वातावरण दुमदुमून गेले.