*आदिवासीकन्येची(सपना)प्रेरणादायी गगनभरारी !!
*जिद्द,मेहनत आणी आत्मविश्वासाने आकाशाला गवसणी घालू शकतो.समाजापुढे ठेवला आदर्श.

तळा -किशोर पितळे-

रोहा तालुक्यातील चिंचवली येथील सपना राजेश वाघमारे यांनी आपल्या जिद्दीच्या आणि कष्टाच्या बळावर एक आदर्श प्रस्थापित केला आहे.जिध्द, आत्मविश्वास अत्यंत मेहनतीने त्यांनी रायगड जिल्ह्यातील कातकरी समाजातील पहिली वकील होण्याचा बहुमान मिळवला. आता त्यांची उच्च शिक्षणासाठी इंग्लंडमधील युनिव्हर्सिटी ऑफ लीड्स आणि क्विन मेरी युनिव्हर्सिटी येथे निवड झाली आहे. त्यांचे हे यश खरोखर अभिमानास्पद व प्रेरणादायी आहे. आपल्या मनात जिद्द असेल आणि मनगटात कष्ट करण्याची ताकद असेल तर आपण आभाळाला गवसणी घालू शकतो हेच सपना राजेश वाघमारे यांनी सिद्ध करून दाखवले असून समाजापुढे मोठा आदर्श ठेवला आहे.सपना लहानपणापासून हुशार विद्यार्थीनी
म्हणून ओळख निर्माण केली होती.तीचा जीवनपट खडतर आहे.आई वडीलांपासून कुंटुबाला सोडून दुसरा घरोबा केला.वडिलांचे छत्र हरपले असल्याचे कळते.भाचीचा सांभाळ मामा भिवा पवार यांनी करून संपूर्ण जबाबदारी घेतली अशी माहितीमिळाली तीने माणगांव येथील दहावी पर्यंतचे शिक्षण वनवासी आश्रमाशी संलग्न वसतिगृह आणि शाळां मधून घेतल्याचेही समजते त्या नंतर पुढील शिक्षण पुणे येथे पूर्ण केले.या समाजातील सपना वाघमारे या रोहा तालुक्यातील चिंचवली गावातील मुलीने चक्क एल एल बी केले..आणि आता त्या एल एल एम करण्यासाठी सरकारी स्कॉलरशिप मिळवून लंडन येथे जात आहेत.आदिवासी समाजातील रायगड जिल्ह्यातील एकमेव भगीनी आहे तीने जिध्द मेहनत आणी आत्मविश्वासा च्या बळावर आकाशाला गवसणी घालण्याचे स्वप्न उराशी बाळगून साकार करून दाखवले तिच्या जिध्दीला सलाम.. कवी जगदीश खेबुडकर यांनी लिहिलेल्या गाण्या प्रमाणे
आकाशी झेप घेरे पाखरा सोडी सोन्याच्या पिंजरा ।तुझं पंख दिले देवाने कर विहार सामर्थ्याने ।दरी,डोंगर हिरवी राने जा ओलांडून सरीता सागरा।। असे म्हटले तर वावगे ठरणार नाही.या उज्वल यशाबद्दल तीचे सर्व स्तरातून हार्दिक अभिनंदन व पुढील यशस्वी वाटचालीसाठी शुभेच्छाचा वर्षाव होत आहे.