वीज पडून मृत्युमुखी पडलेल्या वेदांत भोसले कुटुंबियांना शासनाने दिला आर्थिक मदतीचा हात.

तळा –किशोर पितळे-
दि.९मे२६रोजी अवकाळी पडलेल्या पावसाने तळा तालुक्यातील फळशेत गावातील १४वर्षीय कु.वेदांत भोसले याचे ९मे २६ रोजी वीज पडली त्यात जागीच मृत्यू झाला.तळा प्रशासनाने घटनास्थळी धाव घेऊन पंचनामा करून सात्वंन केले आणी लवकरात लवकर शासनाकडून मदत करण्याचे आश्वासन दिले.आणी सेवेशी तत्पर मा.तहसीलदार स्वाती पाटील यांनीदि.१२मे२६रोजी पंचायत समिती उपसभापती रवीशेठ मांडवकर, सामाजिक कार्यकर्ते रामदास मोरे यांच्या हस्ते संबंधीत कुटुंबाला रु.४००,०००/- मदतीचा हात दिला.तळा तालुक्यात घडलेली दुर्घटना अतिशय ह्लदयद्रावक आहे हसत खेळत आसलेला वेदात काळाच्या पडद्याआड गेला संपूर्ण गावावर दु:खाचा डोंगर कोसळला.तालुक्यातून देखील शोक व्यक्त केला जात आहे. इयत्ता ८वीत शिकत असलेला वेदांत हुशार होता भविष्याची स्वप्ने रंगवीत असताना व आई वडीलांची इच्छा पुर्ण करणारा होता.पण नियतीने अचानक घाला टाकून सर्व काही हिरावून नेले.या कुटुंबावर पडलेला दुखा:चा डोंगर सावरता येण्यासारखे नाही.वेंदातच्या जाण्याने मित्र गमावला, शाळेने विद्यार्थी गमावला समाजाने भविष्यातील एक सक्षम नागरिक गमावला आहे.असा शोक व्यक्त केला जात आहे.