भव्य रामनवमी उत्सव २०२६ रोह्यात उत्साहात साजरा*

*भव्य रामनवमी उत्सव २०२६ रोह्यात उत्साहात साजरा*
रोहा : नंदकुमार बामुगडे
प्रभू श्रीरामांच्या जन्मोत्सवाचे औचित्य साधून रोहा परिसरात रामनवमीचा उत्सव मोठ्या उत्साहात आणि भक्तिभावाने साजरा करण्यात आला. या निमित्ताने परिसरातील महिलांनी एकत्र येत मारुती चौक येथे भव्य कार्यक्रमाचे आयोजन केले होते.
या कार्यक्रमात सहभागी झालेल्या महिलांनी पारंपरिक मराठी साजातील साड्या परिधान करून लेझीमच्या तालावर आकर्षक सादरीकरण केले. त्यांच्या उत्साहपूर्ण सहभागामुळे संपूर्ण वातावरण भक्तिमय आणि उत्सवी बनले.
कार्यक्रमाचा तपशील :
• दिनांक : गुरुवार, २६ मार्च २०२६
• वेळ : सायंकाळी ६:०० वाजता मुख्य सोहळा
• स्थळ : मारुती चौक, रोहा
विशेष आकर्षण म्हणून योगा समूहातील महिलांनी योगासनांचे सादरीकरण केले. तसेच नृत्याच्या माध्यमातून ‘जय श्रीराम’च्या गजरात संपूर्ण परिसर दुमदुमून गेला.
विशेष म्हणजे, मारुती मंदिराचे युवा पुजारी निरव गुरव यांनी आपल्या पत्नीसह प्रभू श्रीराम आणि माता सीता यांची वेशभूषा साकारत रथयात्रेद्वारे संपूर्ण रोहा शहरातून भव्य रॅली काढली. या रॅलीला नागरिकांचा मोठ्या प्रमाणात प्रतिसाद लाभला.

या भव्य उत्सवामुळे रोहा परिसरात भक्ती, संस्कृती आणि एकतेचा सुंदर संगम अनुभवायला मिळाला.
रामनवमी उत्सवला हजारो रो्हेकर व नामदार अदितीताई तटकरे, नगराध्यक्षा वनश्री शेडगे, गटनेते महेंद्र गुजर, उपनगराध्यक्ष अहमदभाई दर्जी, नगरसेविका पूर्वा मोहिते,नीता हजारे,नगरसेवक,. नगरसेविका,विभा चोरगे,सौ. तेंडुलकर, मोनूलू गुरव, समिधा समीर सकपाळ, सरिता पालांडे,व असंख्य मान्यवर उपस्तित होते.