*द.ग.तटकरे महाविद्यालयाचे वादविवादात मुंबई विद्यापीठात सुवर्ण यश.महाविद्यालयाच्या शिरपेचात आणखी एक मानाचा रोवला तुरा
*ध्रुव राऊत ठरला मुंबई विद्यापीठाचा सर्वोत्कृष्ट वक्ता

प्रतिनिधी  -किशोर पितळे-

मुंबई विद्यापीठ युवा महोत्सवांतर्गत आयोजित मराठी वादविवाद स्पर्धेच्या अंतिम फेरीत तळा येथील द. ग. तटकरे कला व वाणिज्य महाविद्यालयाने उल्लेखनीय यश संपादन करत सांघिक सुवर्णपदक (गोल्ड मेडल) पटकावले. याच स्पर्धेत महाविद्यालयाचा विद्यार्थी ध्रुव राऊत याने मुंबई विद्यापीठाचा सर्वोत्कृष्ट वक्ता हा मानाचा पुरस्कार मिळवून महाविद्यालयाच्या शिरपेचात आणखी एक मानाचा तुरा खोवला.मुंबई विद्यापीठ विद्यार्थी भवन, चर्चगेट येथे नुकतीच या स्पर्धेची अंतिम फेरी पार पडली. मुंबई विद्यापीठाच्या १२ विभागांमधून निवड झालेल्या ७० हून अधिक विद्यार्थ्यांनी या मानाच्या वादविवाद स्पर्धेत सहभाग घेतला होता. त्यामध्ये द. ग. तटकरे महाविद्यालयाच्या वादविवाद संघाने आपल्या प्रभावी मांडणीच्या जोरावर सांघिक सुवर्णपदकावर नाव कोरले.

महाविद्यालयाच्या वादविवाद संघात पंकज पंडूळे आणि ध्रुव राऊत या दोन विद्यार्थ्यांनी सहभाग घेतला. त्यांच्या यशामागे सांस्कृतिक विभाग प्रमुख डॉ. भगवान लोखंडे आणि प्रा. भरत चाळके यांचे मार्गदर्शन लाभले.या उल्लेखनीय यशाबद्दल संस्थेचे विश्वस्त नंदकुमार वेदक, मारुती शिर्के, विठ्ठल जोशी, संस्थेचे अध्यक्ष मंगेश देशमुख, उपाध्यक्ष तथा महाविद्यालय विकास समितीचे चेअरमन पुरुषोत्तम मुळे, सचिव महेंद्र कजबजे, महाविद्यालयाचे प्राचार्य डॉ. नानासाहेब यादव, संस्था पदाधिकारी, कार्यकारी मंडळाचे सदस्य, महाविद्यालय विकास समितीचे सदस्य, प्राध्यापक व प्राध्यापकेतर कर्मचारी तसेच विद्यार्थ्यांनी यशस्वी विद्यार्थी आणि मार्गदर्शक प्राध्यापकांचे अभिनंदन केले.मुंबई विद्यापीठाच्या अंतिम फेरीत सांघिक सुवर्णपदकासह सर्वोत्कृष्ट वक्त्याचा पुरस्कार मिळाल्याने द. ग. तटकरे महाविद्यालयाच्या शैक्षणिक व सांस्कृतिक गुणवत्तेची पुन्हा एकदा प्रभावीपणे नोंद झाली आहे.