पनवेल (प्रतिनिधी) दानशूर व्यक्तिमत्व, माजी खासदार लोकनेते रामशेठ ठाकूर यांच्या अमृतमहोत्सवी वर्षानिमित्त विविध सामाजिक, शैक्षणिक व पर्यावरणपूरक उपक्रम राबविण्यात येत आहेत. त्याच पार्श्वभूमीवर आज उलवे नोड मधील रामशेठ ठाकूर पब्लिक स्कुलच्या प्रांगणात वृक्षारोपणाचा कार्यक्रम जनार्दन भगत शिक्षण प्रसारक संस्थेचे चेअरमन लोकनेते रामशेठ ठाकूर यांच्या प्रमुख उपस्थितीत उत्साहात पार पडला.
पर्यावरण संवर्धनाचा संदेश देणाऱ्या या उपक्रमास जनार्दन भगत शिक्षण प्रसारक संस्थेचे व्हाईस चेअरमन वाय.टी. देशमुख, पंचायत समिती सदस्य वितेश म्हात्रे, पंचायत समिती सदस्या जिज्ञासा कोळी, गव्हाण ग्रामपंचायतीचे माजी उपसरपंच विजय घरत, सचिन घरत, ज्येष्ठ कार्यकर्ते जयवंत देशमुख, ऍड. राहुल घरत, दर्शन ठाकूर, स्वप्नील ठाकूर, विश्वनाथ कोळी, भार्गव ठाकूर, हेमंत पाटील, रोशन म्हात्रे, हेमंत ठाकूर, दीपक गोंधळी, नंदकुमार ठाकूर, रविकांत म्हात्रे, राजू कोळी, किशोर कोळी, रवींद्र भोईर, विशाल कोळी, राजकिरण कोळी, विनायक कोळी, भरत कोळी, दीपाली म्हात्रे, संदेश कोळी, मंगेश कोळी, संतोष कोळी, सृजन कोळी यांच्यासह इतर पदाधिकारी, शिक्षकवृंद मोठ्या संख्येने उपस्थित होते. यावेळी उपस्थित मान्यवरांच्या हस्ते विविध प्रकारच्या रोपांचे लागवड करण्यात आले.
यावेळी “ वृक्ष एक जबाबदारी” हा संदेश देत पर्यावरण संरक्षणाचे उद्दिष्ट अधोरेखित करण्यात आले. कार्यक्रमाचे आयोजन अत्यंत नियोजनबद्ध पद्धतीने करण्यात आले. या उपक्रमामुळे परिसरात हरिताई वाढण्यास हातभार लागणार असून, सामाजिक बांधिलकी जपणारा हा कार्यक्रम सर्वांच्या स्मरणात राहील, अशी भावना उपस्थितांनी व्यक्त केली.