कोंदिवडे रस्त्याचा प्रश्न समोर आणणाऱ्या झेन अल्फा टिम ला आदित्य ठाकरे यांची साथ.
शाळेतील विद्यार्थ्यांशी साधला संवाद.
प्रतिनिधी कर्जत / गणेश पवार
कर्जत तालुक्यातील कोंदिवडे रस्त्याची दुरवस्था समोर आणणाऱ्या तीन शाळकरी मुलींशी शिवसेना उद्धव बाळासाहेब ठाकरे पक्षाच्या युवासेना पदाधिकाऱ्यांनी भेट घेतली. या तीन पैकी एक विद्यार्थी खांडपे येथील मानसी पवार यांच्या घरी तिन्ही मुली आणि त्यांच्या पालकांची भेट घेऊन चर्चा करण्यात आली.
यावेळी युवासेना नेते आदित्य ठाकरे यांनी फोनवरून मुलींशी संवाद साधत त्यांच्या समस्या जाणून घेतल्या आणि त्यांच्या धाडसाचे कौतुक केले. व पुढील कोणत्याही मदतीसाठी आदित्य ठाकरे व युवासेना सोबत असल्याचे आश्वासन दिले.
युवासेनेच्या राज्य कार्यकारणी समिती कडून तिन्ही विद्यार्थिनींचा व त्यांच्या पालकांचा सन्मान करण्यात आला यावेळी युवा सेनेचे स्थानिक पदाधिकारी उपस्थित होते.
