जयराम अपार्टमेंट येथील स्लॅबच्या समस्येबाबत नगरपरिषद टीम व सार्वजनिक बांधकाम विभागाची संयुक्त पाहणी
रोहा | प्रतिनिधी नंदकुमार बामुगडे
काल आदरणीय खासदार सुनीलजी तटकरे साहेब, मंत्री महोदया अदितीताई तटकरे आणि आमदार अनिकेतभाई तटकरे यांच्या सूचनेनुसार जयराम अपार्टमेंट येथील स्लॅबच्या समस्येबाबत नगरपरिषद टीम व सार्वजनिक बांधकाम विभागाच्या अधिकाऱ्यांनी संयुक्त पाहणी केली.
याठिकाणी येणारे पाणी योग्य पद्धतीने डायव्हर्ट करून पावसाळ्याच्या पार्श्वभूमीवर काम लवकरात लवकर सुरू करता येईल का, याबाबत पाहणीदरम्यान सकारात्मक चर्चा करण्यात आली. तसेच पाहणीदरम्यान निश्चित करण्यात आलेल्या उपाययोजनांनुसार पुढील कार्यवाहीची रूपरेषा ठरविण्यात आली आहे.
रोड एक्स्टेंशन व संबंधित बांधकामाचे काम सार्वजनिक बांधकाम विभागाच्या अखत्यारित येत असल्याने त्यांच्या माध्यमातून आवश्यक ती कार्यवाही करून हे काम लवकरात लवकर सुरू करण्याबाबत कार्यवाही करण्यात येणार आहे.
नागरिकांची सुरक्षितता तसेच त्यांच्या दैनंदिन अडचणी दूर करण्यासाठी प्रशासनाकडून आवश्यक ती कार्यवाही प्राधान्याने करण्याबाबतही चर्चा झाली.
यावेळी नगराध्यक्षा वनश्रीजी शेडगे, बांधकाम सभापती राजेंद्रजी जैन, सभापती महेशजी कोल्हटकर, नगरसेविका संजनाताई शिंदे, नगरसेवक रोशनजी चाफेकर, स्वीकृत नगरसेवक दिवेशजी जैन, समाधानजी शिंदे, सार्वजनिक बांधकाम विभागाचे अभियंते अरुणजी पाटील व रोहेकार तसेच नागरिक उपस्थित होते.
