श्रीक्षेत्र तळवली तर्फे अष्टमी येथे वृक्षारोपण .
कोलाड (श्याम लोखंडे ) रोहा तालुक्यातील तसेच कोलाड खांब विभागातील सामाजिक युवा नेते प्रमोद अनंत म्हसकर सामाजिक प्रतिष्ठानचे संस्थापक प्रमोद शेठ म्हसकर यांच्या वाढदिवसाच्या औचित्य साधून रोहा तालुक्यातील श्री क्षेत्र तळवली तर्फे अष्टमी येथील भगवान शंकर मंदिर परिसरात विविध प्रकारच्या वृक्षांचे वृक्षारोपण करण्यात आले.
समाजहिताची जाणीव ठेवून सातत्याने विविध सामाजिक उपक्रम राबविणारे प्रमोद अनंत म्हसकर हे समाजसेवेत नेहमीच अग्रेसर राहिले आहेत. पर्यावरण संवर्धन,कला, क्रीडा, सांस्कृतिक, आरोग्य सामाजिक बांधिलकी, गरजूंसाठी मदतीचा हात आणि लोकहिताचे उपक्रम यामधून त्यांनी समाजात आपली वेगळी ओळख निर्माण केली आहे. कोणतेही सामाजिक कार्य असो, त्यामध्ये ते नेहमी पुढाकार घेतात. त्यांच्या कार्यातून अनेक युवकांना प्रेरणा मिळत असून समाजाप्रती असलेली त्यांची निष्ठा आणि तळमळ त्याबद्दल सर्वांकडून कौतुकास पात्र ठरत आहे.
त्यांच्या वाढदिवसानिमित्त आयोजित करण्यात आलेल्या या वृक्षारोपण उपक्रमास ग्रामस्थांनी उत्स्फूर्त प्रतिसाद दिला. उपस्थितांनी वृक्षारोपणाबरोबरच वृक्षांचे संगोपन करण्याचा संकल्प केला आणि पर्यावरण संवर्धनाचा संदेश दिला. प्रसंगी यावेळी अनिल कोल्हटकर, अनंता मरवडे, राजेंद्र मरवडे, शशिकांत मरवडे, रमेश कोल्हटकर, भिमेश बामणे, प्रज्योत मरवडे, सुशील मरोडे, केतन बामणे, पंढरीनाथ बामणे, अमित गायकर, गणेश जाधव, प्रशांत नागावकर यांच्यासह ग्रामस्थ मोठ्या संख्येने उपस्थित होते.
कार्यक्रम यशस्वी करण्यासाठी सर्व ग्रामस्थ, युवक व सामाजिक कार्यकर्त्यांनी मोलाचे सहकार्य केले. उपस्थितांनी प्रमोद अनंत म्हसकर यांना वाढदिवसाच्या शुभेच्छा देत त्यांच्या सामाजिक कार्याचा गौरव केला आणि भविष्यातही त्यांच्या हातून असेच समाजोपयोगी उपक्रम सातत्याने घडत राहावेत, अशी सदिच्छा व्यक्त केली.
